Ózbekstan soty dini ekstremizmdi nasihattaityn materialdy tasymaldady degen aiyppen bes jylǵa sottalǵan Qazaqstan azamaty Akmal Rasýlovtyń apelliatsiialyq shaǵymyn qanaǵattandyrmady, dep habarlaidy "Ult aqparat" Azattyqtyń Ózbek redaktsiiasyna silteme jasap.
Kýichirchik aýdandyq soty 21 shildede Shymkenttiń 26 jastaǵy turǵyny Akmal Rasýlovty Ózbekstan territoriiasyna tyiym salynǵan dini mazmundaǵy ádebietti "ádeii kirgizýge talpynǵan" dep bes jylǵa sottaǵan. Tergeý málimetinshe, dini mazmundaǵy faildar Rasýlovtyń uialy telefonynan tabylǵan. Rasýlovtyń týystarynyń aitýyna qaraǵanda, Tashkenttiń apelliatsiialyq soty 6 jeltoqsanda úkimdi ózgerissiz qaldyrǵan.
Týystarynyń aitýynsha, sotta Rasýlovtyń kinási dáleldenbegen.
Biyl 28 shildede Tashkent áýejaiynda osyǵan uqsas aiyppen Ońtústik Qazaqstan oblysy Sairam aýdanynyń turǵyny Vohidjon Niiazov ta ustalǵan edi. Túrmede tórt aiǵa jýyq otyrǵan ony ótken aida raqymshylyqpen bosatqan.
2012 jyly naýryzda Qazaqstan azamaty Ermek Qosmaǵambetov Ózbekstanǵa demalýǵa ketip bara jatqanda shekarada ustalǵan. Ózbek arnaiy qyzmeti onyń kompiýterinen "ekstremistik" mazmundaǵy dep sipattalǵan faildar tapqan. Birneshe aidan soń Tashkent soty ony ekstremizm aiybymen bes jylǵa sottaǵan.
