ٶزبەكستان سوتى دٸني ەكسترەميزمدٸ ناسيحاتتايتىن ماتەريالدى تاسىمالدادى دەگەن ايىپپەن بەس جىلعا سوتتالعان قازاقستان ازاماتى اكمال راسۋلوۆتىڭ اپەللياتسييالىق شاعىمىن قاناعاتتاندىرمادى, دەپ حابارلايدى "ۇلت اقپارات" ازاتتىقتىڭ ٶزبەك رەداكتسيياسىنا سٸلتەمە جاساپ.
كۋيچيرچيك اۋداندىق سوتى 21 شٸلدەدە شىمكەنتتٸڭ 26 جاستاعى تۇرعىنى اكمال راسۋلوۆتى ٶزبەكستان تەرريتوريياسىنا تىيىم سالىنعان دٸني مازمۇنداعى ەدەبيەتتٸ "ەدەيٸ كٸرگٸزۋگە تالپىنعان" دەپ بەس جىلعا سوتتاعان. تەرگەۋ مەلٸمەتٸنشە, دٸني مازمۇنداعى فايلدار راسۋلوۆتىڭ ۇيالى تەلەفونىنان تابىلعان. راسۋلوۆتىڭ تۋىستارىنىڭ ايتۋىنا قاراعاندا, تاشكەنتتٸڭ اپەللياتسييالىق سوتى 6 جەلتوقساندا ٷكٸمدٸ ٶزگەرٸسسٸز قالدىرعان.
تۋىستارىنىڭ ايتۋىنشا, سوتتا راسۋلوۆتىڭ كٸنەسٸ دەلەلدەنبەگەن.
بيىل 28 شٸلدەدە تاشكەنت ەۋەجايىندا وسىعان ۇقساس ايىپپەن وڭتٷستٸك قازاقستان وبلىسى سايرام اۋدانىنىڭ تۇرعىنى ۆوحيدجون نييازوۆ تا ۇستالعان ەدٸ. تٷرمەدە تٶرت ايعا جۋىق وتىرعان ونى ٶتكەن ايدا راقىمشىلىقپەن بوساتقان.
2012 جىلى ناۋرىزدا قازاقستان ازاماتى ەرمەك قوسماعامبەتوۆ ٶزبەكستانعا دەمالۋعا كەتٸپ بارا جاتقاندا شەكارادا ۇستالعان. ٶزبەك ارنايى قىزمەتٸ ونىڭ كومپيۋتەرٸنەن "ەكسترەميستٸك" مازمۇنداعى دەپ سيپاتتالعان فايلدار تاپقان. بٸرنەشە ايدان سوڭ تاشكەنت سوتى ونى ەكسترەميزم ايىبىمەن بەس جىلعا سوتتاعان.
