- Búgin, 2016 jylǵy 24 qarashada Ózbekstanda prezidenttik sailaýǵa aldyn ala daýys berý bastaldy. Ýchaskeler jumysyn jergilikti ýaqyt boiynsha saǵat 9.30-dan bastady. Daýys berý memleket basshysyn sailaý týraly zańǵa sáikes 2 jeltoqsanda aiaqtalady. Bul týraly reseilik RIA Novosti habarlady.
Ózbekstannyń tuńǵysh prezidenti ekinshi qyrkúiekte 78 jasqa qaraǵan shaǵynda insýltten kóz jumǵan edi. Onyń mindetin ýaqytsha atqarýshy bolyp premer-ministr Shavqat Mirzieev taǵaiyndalǵan. Sailaý 4 jeltoqsanda ótedi. Memleket basshysy besjyldyq merzimge taǵaiyndalady. Zańǵa sáikes ártúrli sebeptermen daýys berý kúni sailaýǵa qatysa almaityn Ózbekstan azamattaryna aldyn ala daýys berý múmkindigi bar.
Aldyn ala daýys berý sailaýǵa deiin on kún buryn bastalady da sailaýǵa bir kún qalǵanda aiaqtalady. «Zań talabyna sáikes sailaý ýchaskelerinde merziminen buryn daýys berý 24 qarashada bastalyp, 2 jeltoqsanda aiaqtalady. Sailaýshylar bul kúni saǵat 9. 00-den 18.00-ge deiin ýchaskelik sailaý komissiiasyna júgine alady», - dep habarlady OSK ókili.
Ózbekstannyń OSK derekterine sáikes sailaý ótkizý úshin 9381 sailaý ýchaskesi quryldy, onyń 44-i elden tys jerde. 21, 435 sailaýshy daýys berýi tiis.
Elde tirkelgen 4 partiia memleket basshysynyń ornyna úmitkerlerin usyndy.
QazAqparat
