Búgin Ózbekstan Respýblikasynyń Ortalyq sailaý komissiiasynyń otyrysynda 300 milliard som kóleminde (shamamen 12 mlrd 52 mln teńge) prezidenttik sailaýdy uiymdastyrýǵa jumsalatyn shyǵyndar smetasy bekitildi, dep habarlaidy "Ult aqparat" vedomstvonyń baspasóz qyzmetine silteme jasap.
Ortalyq sailaý komissiiasynyń málimetinshe, 14 okrýgtik sailaý komissiiasynyń árqaisysy 56,9 mln som, 10,8 myń ýchaskelik sailaý komissiiasy 11,8 mln som alady.
Sailaýshy okrýgtar men ýchaskelerge bólingen qarajattyń 80%-y ailyq, ótemaqy jáne biryńǵai áleýmettik tólem tóleýge jumsalady.
Sailaý komissiialarynyń qyzmetkerlerin daiyndaý men oqytýǵa 18,4 milliard som jumsaý josparlanyp otyr. Sonymen qatar sailaý komissiialary músheleri men sailaýshylardyń ózderin jeke qorǵaný jáne zararsyzdandyrý quraldarymen qamtamasyz etý úshin qarajat bólingen.
Eske sala keteiik, Ózbekstan prezidentiniń kezekti sailaýy osy jyldyń 24 qazanynda ótpek. Ol Ózbekstan tarihyndaǵy altynshy tikelei prezidenttik sailaý bolmaq.
