Foto:wfrk.kz
19-25 maýsym aralyǵynda Ózbekstanda 17 jasqa deiingi uldar men qyzdar arasynda aýyr atletikadan Ortalyq Aziia elderiniń ashyq chempionaty ótti.
QR Aýyr atletika federatsiiasynyń habarlaýynsha jarysqa Ázerbaijan, Qazaqstan, Qyrǵyzstan, Tájikstan, Túrikmenstan, Túrkiia jáne Ózbekstan sportshylary qatysty.
Jas qazaqstandyq aýyr atletter 8 altyn jáne 2 qola medal jeńip alyp, birneshe rekord ornatty.
Qyzdar sátti óner kórsetti.
Kseniia Prozorova (55 kg deiingi salmaq dárejesinde) úsh altyn medal enshiledi. Ol julqi kóterýde 81 kg, serpe kóterýde 102 kg baǵyndyryp, qossaiys qorytyndysy boiynsha 183 kg kóterip, rekord ornatty. Ótken Jasóspirimder Olimpiadasynda,qossaiys somasynda altyn medal nátijesi — 177 kg. ekenin atap etkim keledi.
Aiǵanym Janbolat ta (71 kelige deiingi salmaq dárejesinde) úsh altyn medal ielendi. Ol julqi kóterýde 92 kg, serpe kóterýde 114 kg baǵyndyryp, qossaiys qorytyndysy boiynsha 206 kg baǵyndyryp, rekord ornatty.
Nurjan Jumabai (73 kelige deiingi salmaq dárejesinde) Ulttyq sporttyq komandanyń qorjynyna eki altyn júlde saldy. Sportshy julqi kóterýde 125 kg jáne serpe kóterýde 151 kg baǵyndyryp, rekord ornatty.
Maqsat Tólendi (49 kelige deiingi salmaq dárejesinde) eki qola medal jeńip aldy, ol julqi kóterýde 65 kg, serpe kóterýde 81 kg baǵyndyrdy.
