Ózbekstannyń mektep baǵdarlamasyna tekbol atalatyn sporttyń jańa túrin engizý josparlanyp otyr, dep jazady "Ult aqparat".
Bul týraly Ózbekstannyń Ulttyq Olimpiada komiteti habarlady.
Jaqynda Tashkentte Tekbol halyqaralyq federatsiiasy, Halyq aǵartý ministrligi jáne Ulttyq Olimpiada komiteti arasynda yntymaqtastyq týraly memorandýmǵa qol qoiyldy.
Qujatqa sáikes, halyqaralyq uiym jaqyn arada Ózbekstanǵa on myń birlik mólsherinde múkámmal beredi, al halyqqa bilim berý ministrligi men UOK osy sport túrin elde tanymal etý maqsatynda yntymaqtaspaq.
«Is-shara bastalardan buryn tekboldyń óte qyzyqty sport túri ekenine taǵy bir kóz jetkizdim. Bul jańa sport túrli barlyq oqýshynyń súiikti oiynyna ainalady dep senemin. Onyń kómegimen biz birden bes-alty sport túrin biriktire alamyz. Al bul oqýshylar arasynda salaýatty ómir saltyn nasihattaý jáne olardyń bos ýaqytyn uiymdastyrý protsesinde óte mańyzdy», – dedi Ózbekstan Respýblikasynyń Halyqqa bilim berý ministri Sherzod Shermatov.
«Biz Tekbol federatsiiasyna Ózbekstanda osy sport túrin tanymal etýge bastama alǵany úshin alǵys aitamyz. Bul sport álemde óte jyldam damyp keledi. Tekbol Ózbekstan Prezidenti usynǵan salaýatty ómir saltyn nasihattaý úshin óte qolaily. Bul sport túri bolashaqta Aziia jáne Olimpiada oiyndarynyń baǵdarlamasyna enýi múmkin», – dep atap ótti UOK bas hatshysy Oibek Qasymov.
Tekbol – bul ústel tennisin eske túsiretin jańa sport túri, onda qisyq ústel men fýtbol dobyna uqsas dop qoldanylady.
Dopty qoldan basqa deneniń kez kelgen bóligimen urýǵa bolady.
Tekboldy 2014 jyly Vengriiada eki fýtbol áýesqoiy oilap tapty: burynǵy kásibi fýtbolshy Gabor Borshani jáne baǵdarlamashy Viktor Hýsar.
Álemdik deńgeidegi birqatar fýtbolshylar (Neimar jáne Koýtino) jarystarǵa qatysyp úlgergen.
Osy sport túriniń yqtimal olimpiadalyq mártebesi talqylanýda.
