Ózbekstanda koronavirýspen aýyrǵandar men karantinde jatqandardyń ar-namysyna tigender jaýapqa tartylady.
Ózbekstan ministrler kabineti jedel shtabynyń resmi Telegram-kanalynyń habarlaýynsha, koronavirýstan emdelgen jáne karantinde jatqan adamnyń ar-namysyna tiip, qadir-qasietin qorlaǵany jáne bul sanattaǵy adamdardyń jeke ómiri jaily málimet taratqany úshin 9 million som (930 dollar) aiyppul salynady.
Bul áreketti taǵy da qaitalaǵan jaǵdaida 22,3 million sým (2330 dollar) aiypul salynady nemese 300 saǵat qoǵamdyq jumysqa jegiledi, ia bolmasa 2 jyl túzeý jumystaryna salynady.
Eger jeke basyna bailanysty mundai aqparattar zańsyz jariialanyp, onyń saldary aýyr bolsa quqyq buzýshyǵa 44,6 mln sým (4660 dollar) aiyppul salynady nemese 360 saǵat qoǵamdyq jumysqa jegiledi, ia bolmasa 3 jylǵa deiin bas bostandyǵy shekteledi nemese aiyrylady..
Densaýlyq saqtaý ministrliginiń málimetine qaraǵanda, Ózbekstanda barlyǵy 998 adam koronavirýs juqtyrǵan, 66 adam jazylyp shyqqan. Qazir olar emnen keiingi saýyqtyrý kýrsynan ótip jatyr.
