Ózbek-qytai ǵalymdary birlesip jasaǵan ZF-UZ-VAC2001 vaktsinasy úsh ret egiledi. Bul týraly ÓzA habarlady.
Ózbekstan men Qytai ǵalymdary birlesip jasaǵan ZF-UZ-VAC2001 vaktsinasyn úsh ret qabyldaǵannan keiin azamattar tolyq vaktsinatsiialanǵan bolyp sanalady.
Sanitarlyq-epidemiologiialyq jáne qoǵamdyq densaýlyq saqtaý qyzmeti basshysynyń orynbasary Batyr Qýrbanovtyń eldegi vaktsinatsiia jaǵdaiy týraly BAQ ókilderine suhbat berdi.
Onyń aitýynsha, Ózbekstanda 3-kezeńdik klinikalyq synaqtardan sátti ótken Qytaidyń «Zhifei Longcom Biopharmaceutical Co. Ltd» kompaniiasy men ózbek mamandary birlesip jasaǵan ZF-UZ-VAC 2001 vaktsinasy azamattarǵa úsh ret egilgende olar tolyq vaktsinatsiialanǵan bolyp sanalady. Al, AstraZeneca vaktsinasyn eki qabyldaý kerek.
Azamattar qai vaktsinany alýyn ózi tańdai alady.
Qazirgi ýaqytta Ózbekstan aýmaǵyndaǵy jappai vaktsinatsiia aiasynda 1,66 mln doza mólsherdegi vaktsina qoldanylýda.
Sońǵy derek boiynsha Ózbekstanda vaktsina alǵandardyń jalpy sany 49 myńǵa jetken.
