Ózbekstan Respýblikasy Densaýlyq saqtaý ministrliginiń málimetinshe, Ózbekstanda koronavirýs juqtyrǵandar sany 33 adamǵa jetti, dep habarlaidy "Ult aqparat".
Vedomstvoda atap ótkendei, infektsiia juqtyrǵan naýqastarmen bailanysta bolǵan 9 adamnan tabylǵan. Sondai-aq, shetelden kelgen taǵy bir naýqastyń aýrý juqtyrǵany týraly aqparat rastaldy.
Eldiń bas memlekettik sanitarlyq inspektory Nýrmat Otabekovtiń deregi boiynsha, karantin kezinde 9 myńnan astam adam baqylaýda bolǵan, onyń ishinde 7 myńy jazylyp shyqqan. Qazirgi ýaqytta 2 300 adam karantinde jatyr.
Sanitarlyq inspektordyń aitýynsha, Ózbekstanda barlyq qajetti dári-dármekter, diagnostikalyq quraldar qory, sondai-aq dárigerler bar. El prezidenti Qytaidaǵy mamandardy arnaiy reispen Ózbekstanǵa shaqyrtýdy tapsyrǵan.
Eske salaiyq, Ózbekstanda alǵash ret koronavirýs juqtyrǵan adam 15 naýryzda anyqtaldy.
