ٶزبەكستان رەسپۋبليكاسى دەنساۋلىق ساقتاۋ مينيسترلٸگٸنٸڭ مەلٸمەتٸنشە, ٶزبەكستاندا كوروناۆيرۋس جۇقتىرعاندار سانى 33 ادامعا جەتتٸ, دەپ حابارلايدى "ۇلت اقپارات".
ۆەدومستۆودا اتاپ ٶتكەندەي, ينفەكتسييا جۇقتىرعان ناۋقاستارمەن بايلانىستا بولعان 9 ادامنان تابىلعان. سونداي-اق, شەتەلدەن كەلگەن تاعى بٸر ناۋقاستىڭ اۋرۋ جۇقتىرعانى تۋرالى اقپارات راستالدى.
ەلدٸڭ باس مەملەكەتتٸك سانيتارلىق ينسپەكتورى نۋرمات وتابەكوۆتٸڭ دەرەگٸ بويىنشا, كارانتين كەزٸندە 9 مىڭنان استام ادام باقىلاۋدا بولعان, ونىڭ ٸشٸندە 7 مىڭى جازىلىپ شىققان. قازٸرگٸ ۋاقىتتا 2 300 ادام كارانتيندە جاتىر.
سانيتارلىق ينسپەكتوردىڭ ايتۋىنشا, ٶزبەكستاندا بارلىق قاجەتتٸ دەرٸ-دەرمەكتەر, دياگنوستيكالىق قۇرالدار قورى, سونداي-اق دەرٸگەرلەر بار. ەل پرەزيدەنتٸ قىتايداعى مامانداردى ارنايى رەيسپەن ٶزبەكستانعا شاقىرتۋدى تاپسىرعان.
ەسكە سالايىق, ٶزبەكستاندا العاش رەت كوروناۆيرۋس جۇقتىرعان ادام 15 ناۋرىزدا انىقتالدى.
