Ózbekstanda koronavirýs juqtyrǵandardyń sany 25 myńnan asty. Bul týraly Ózbekstan Respýblikasynyń Densaýlyq saqtaý ministrligi habarlady, dep habarlaidy "Ult aqparat".
2 tamyz, jergilikti ýaqyt saǵat 10:00-degi (Nur-Sultan ýaqytymen 11:00) derek boiynsha, Ózbekstanda taǵy 257 adam koronavirýs infektsiiasyn juqtyrǵany anyqtaldy. Elde osy infektsiiany juqtyrǵan adamdardyń jalpy sany 25 040 qurap otyr.
Onyń ishinde 15 299 naýqas (61 paiyzy) jazylǵan. ÓR Densaýlyq saqtaý ministrliginiń málimeti boiynsha, elde 149 adam osy indetten qaitys bolǵan.
Qazirgi ýaqytta Ózbekstanda 9 592 naýqas emdelýde. Sonyń 592-siniń jaǵdaiy aýyr, al 185-iniń jaǵdaiy óte aýyr.
