Ózbekstanda koronavirýsqa bailanysty engizilgen birneshe karantindik talaptar jeńildetildi. Atap aitqanda, kontserttik baǵdarlamalar men kafe jáne meiramhanalardyń túngi qyzmet úshin ruqsat berildi, dep habarlaidy ÓzA agenttigi.
Respýblikalyq arnaiy komissiianyń sheshimimen 2021 jyldyń 28 qańtarynan bastap sanitarlyq-epidemiologiialyq talaptardy qatań saqtai otyryp, kontserttik is-sharalardy uiymdastyrýǵa ruqsat berildi.
- Kontserttik zaldardaǵy kórermen syiymdylyǵyn eskere otyryp, olardyń sanyn 50% -dan aspaityndai jaǵdaida uiymdastyrý;
- Qashyqtyqty saqtai otyryp, kórermender otyratyn kontsert zaldaryn paidalanýdy qamtamasyz etý jáne araqashyqtyqty saqtaý úshin qajetti oryndardy belgileý;
- Kontsert zaldaryna kelgen kórermender men qyzmet kórsetýshiler mindetti túrde maska taǵýy kerek.
Sonymen qatar, osy sheshimge bailanysty Respýblikalyq arnaiy komissiia 8:00-den 23:00-ge deiingi ýaqyt aralyǵynda qoǵamdyq tamaqtaný oryndary men oiyn-saýyqtyrý mekemeleriniń jumysyna shekteýdi alyp tastady.
