Ózbekstan Respýblikasy Prezidentiniń janyndaǵy Memlekettik basqarý akademiiasyndaǵy kafedra meńgerýshisi Mansur Bekmýradov óz elinde turyp jatqan qazaqtar týraly aityp berdi, dep habarlaidy QazAqparat.
«Ózbekstanda 1,5 millionnan astam qazaq ómir súredi. Bizdiń elde 100-ge jýyq qazaqtyń ulttyq mádeni ortalyqtary qyzmet etýde, sondai-aq 500-den astam jalpy bilim beretin mektep bar. Atap aitqanda, qazaq tilinde kadrlar daiarlanyp jatyr jáne ansamblder, teatrlar jasaqtalǵan. Osy oraida, Ózbekstandaǵy qazaqtarǵa tiisti jaǵdailar jasalǵan», - dedi sheteldik sarapshy «Qazaqstan jáne Orta Aziia: etnoáleýmettik protsester men etnomádeni bailanys» taqyrybynda QHA-nyń Ortalyq Aziia ǵylymi sarapshylyq keńesiniń otyrysynda.
Sonymen qatar, ol jaqynda júrgizilgen áleýmettik zertteý nátijesine toqtaldy. Oǵan sáikes, ózbek ultyna jatpaityn turǵyndardyń 97 paiyzy Ózbekstandy ózderiniń týǵan eli dep sanaityndyǵyn jáne eshqandai da qysym bolmaǵanyn atap ótken.
«Ózderińiz bilesizder, Ortalyq Aziianyń halyqtary toleranttyǵymen, ózge halyqtarǵa degen súiispenshiligimen, olardyń mádenietine syilastyqpen qaraýmen erekshelenedi. Búgin Astanada Ortalyq Aziia taqyrybynda ótip jatqan otyrys ary qarai qai baǵytta damýdyń múmkindikterin jete túsinýge yqpal etedi. Biyl Ózbekstannyń Qazaqstandaǵy jyly dep belgilengen. Bul óz kezeginde eki eldiń jaqyndasa túsýine múmkindik beredi», - dedi M. Bekmuradov.
Osy oraida ol aldaǵy jyly Ózbekstandaǵy Qazaqstan jyly bastalatynyn eske saldy.
Esterińizge sala keteiik, 2018 jyl Qazaqstandaǵy Ózbekstan jyly retinde belgilendi.
