ٶزبەكستان رەسپۋبليكاسى پرەزيدەنتٸنٸڭ جانىنداعى مەملەكەتتٸك باسقارۋ اكادەميياسىنداعى كافەدرا مەڭگەرۋشٸسٸ مانسۇر بەكمۋرادوۆ ٶز ەلٸندە تۇرىپ جاتقان قازاقتار تۋرالى ايتىپ بەردٸ, دەپ حابارلايدى قازاقپارات.
«ٶزبەكستاندا 1,5 ميلليوننان استام قازاق ٶمٸر سٷرەدٸ. بٸزدٸڭ ەلدە 100-گە جۋىق قازاقتىڭ ۇلتتىق مەدەني ورتالىقتارى قىزمەت ەتۋدە, سونداي-اق 500-دەن استام جالپى بٸلٸم بەرەتٸن مەكتەپ بار. اتاپ ايتقاندا, قازاق تٸلٸندە كادرلار دايارلانىپ جاتىر جەنە انسامبلدەر, تەاترلار جاساقتالعان. وسى ورايدا, ٶزبەكستانداعى قازاقتارعا تيٸستٸ جاعدايلار جاسالعان», - دەدٸ شەتەلدٸك ساراپشى «قازاقستان جەنە ورتا ازييا: ەتنوەلەۋمەتتٸك پروتسەستەر مەن ەتنومەدەني بايلانىس» تاقىرىبىندا قحا-نىڭ ورتالىق ازييا عىلىمي ساراپشىلىق كەڭەسٸنٸڭ وتىرىسىندا.
سونىمەن قاتار, ول جاقىندا جٷرگٸزٸلگەن ەلەۋمەتتٸك زەرتتەۋ نەتيجەسٸنە توقتالدى. وعان سەيكەس, ٶزبەك ۇلتىنا جاتپايتىن تۇرعىنداردىڭ 97 پايىزى ٶزبەكستاندى ٶزدەرٸنٸڭ تۋعان ەلٸ دەپ سانايتىندىعىن جەنە ەشقانداي دا قىسىم بولماعانىن اتاپ ٶتكەن.
«ٶزدەرٸڭٸز بٸلەسٸزدەر, ورتالىق ازييانىڭ حالىقتارى تولەرانتتىعىمەن, ٶزگە حالىقتارعا دەگەن سٷيٸسپەنشٸلٸگٸمەن, ولاردىڭ مەدەنيەتٸنە سىيلاستىقپەن قاراۋمەن ەرەكشەلەنەدٸ. بٷگٸن استانادا ورتالىق ازييا تاقىرىبىندا ٶتٸپ جاتقان وتىرىس ارى قاراي قاي باعىتتا دامۋدىڭ مٷمكٸندٸكتەرٸن جەتە تٷسٸنۋگە ىقپال ەتەدٸ. بيىل ٶزبەكستاننىڭ قازاقستانداعى جىلى دەپ بەلگٸلەنگەن. بۇل ٶز كەزەگٸندە ەكٸ ەلدٸڭ جاقىنداسا تٷسۋٸنە مٷمكٸندٸك بەرەدٸ», - دەدٸ م. بەكمۇرادوۆ.
وسى ورايدا ول الداعى جىلى ٶزبەكستانداعى قازاقستان جىلى باستالاتىنىن ەسكە سالدى.
ەستەرٸڭٸزگە سالا كەتەيٸك, 2018 جىل قازاقستانداعى ٶزبەكستان جىلى رەتٸندە بەلگٸلەندٸ.
