Foto: ǵalamtordan
Ózbekstanda balalarǵa qatysty jasalǵan turmystyq zorlyq-zombylyq úshin jaza engizildi. Ákimshilik jáne Qylmystyq kodeksterge tiisti ózgeris engizýdi kózdeitin zańǵa keshe el prezidenti Shavkat Mirziioev qol qoidy, dep habarlaidy «Ult aqparat» Kazinform-ǵa silteme jasap.
Tiisti túzetýge sáikes, Ózbekstannyń Ákimshilik jáne Qylmystyq kodeksteriniń turmystyq zorlyq-zombylyq týraly baptarymen qorǵalatyn tulǵalar tobyna balalar engizildi.
Bul rette eger búldirshin fizikalyq qysym kóretin bolsa ǵana kúdiktiniń ústinen atalǵan baptar boiynsha is qozǵalatynyn eskergen jón.
Sonymen qatar, Ózbekstannyń Qylmystyq is júrgizý kodeksi de jańa baptarmen tolyqty. Atap aitqanda, endi turmystyq zorlyq-zombylyqqa bailanysty isterde taraptardyń tatýlasý týraly ótinishi tek sot talqylaýy satysynda beriledi.
Buǵan deiin Ózbekstanda mediatsiia boiynsha ótinishti isti aldyn ala tergeý kezeńinde joldaýǵa bolatyn.
