15 qyrkúiekte Ózbekstanda azamattyq alýdy jeńildetetin zań kúshine endi.
13 naýryzda prezident Shavkat Mirziiaev qol qoiǵan zańǵa engen ózgeristerge sáikes, Ózbekstan aýmaǵynda týǵan, biraq shetelde turyp kelgen adamdardyń azamattyq alýy úshin elde keminde bes jyl turýy shart emes. Buǵan qosa, Ózbekstanǵa 1995 jyldyń 1 qańtaryna deiin kelgen, elde zańdy turyp kele jatqan azamattyǵy joq adamdar avtomatty túrde Ózbekstan azamatyna ainalady. Balalary ózbek azamaty bolyp tanylǵan ata-analar da zańǵa sáikes, Ózbekstan azamaty bolyp esepteledi.
Zańǵa engizilgen ózgeristerge sáikes, 1992 jyldyń 28 shildesinen beri Ózbekstanda turyp kele jatqan, shetel azamaty emes adamdar da statýstaryn zańdastyrǵysy kelse, azamattyq ala alady.
Ózbekstan azamattyǵyn alǵysy keletin kez kelgen adam ózbek tilinde sóilei alýy tiis, elde qosazamattyq zańsyz bolyp eseptelgendikten ózge memlekettiń azamattyǵynan da bas tartýy kerek bolady.
