15 قىركٷيەكتە ٶزبەكستاندا ازاماتتىق الۋدى جەڭٸلدەتەتٸن زاڭ كٷشٸنە ەندٸ.
13 ناۋرىزدا پرەزيدەنت شاۆكات ميرزيياەۆ قول قويعان زاڭعا ەنگەن ٶزگەرٸستەرگە سەيكەس, ٶزبەكستان اۋماعىندا تۋعان, بٸراق شەتەلدە تۇرىپ كەلگەن ادامداردىڭ ازاماتتىق الۋى ٷشٸن ەلدە كەمٸندە بەس جىل تۇرۋى شارت ەمەس. بۇعان قوسا, ٶزبەكستانعا 1995 جىلدىڭ 1 قاڭتارىنا دەيٸن كەلگەن, ەلدە زاڭدى تۇرىپ كەلە جاتقان ازاماتتىعى جوق ادامدار اۆتوماتتى تٷردە ٶزبەكستان ازاماتىنا اينالادى. بالالارى ٶزبەك ازاماتى بولىپ تانىلعان اتا-انالار دا زاڭعا سەيكەس, ٶزبەكستان ازاماتى بولىپ ەسەپتەلەدٸ.
زاڭعا ەنگٸزٸلگەن ٶزگەرٸستەرگە سەيكەس, 1992 جىلدىڭ 28 شٸلدەسٸنەن بەرٸ ٶزبەكستاندا تۇرىپ كەلە جاتقان, شەتەل ازاماتى ەمەس ادامدار دا ستاتۋستارىن زاڭداستىرعىسى كەلسە, ازاماتتىق الا الادى.
ٶزبەكستان ازاماتتىعىن العىسى كەلەتٸن كەز كەلگەن ادام ٶزبەك تٸلٸندە سٶيلەي الۋى تيٸس, ەلدە قوسازاماتتىق زاڭسىز بولىپ ەسەپتەلگەندٸكتەن ٶزگە مەملەكەتتٸڭ ازاماتتىعىنان دا باس تارتۋى كەرەك بولادى.
