Ózbekstan astanasynda qazaqstandyq «Tenge Bank» bankiniń ashylý saltanaty ótti, dep habarlaidy "Ult aqparat" SIM baspasóz qyzmetine silteme jasap.
Banktiń ashylýy aǵymdaǵy jyldyń mamyr aiynda Ózbekstan Respýblikasynyń Ortalyq Bankiniń «Qazaqstan Halyq banki» AQ enshiles uiymynyń «Tenge Bank» qarjy operatsiialardy júzege asyrýǵa litsenziia berýi arqasynda júzege asyryldy. Bul Ózbekstan Respýblikasynyń aýmaǵynda alǵashqy qazaqstandyq bank.
Is-sharany asha otyryp, elimizdiń Ózbekstandaǵy Elshisi Darhan Satybaldy Qazaqstan bankiniń ashylý máselesin jedel pysyqtaǵany úshin Ózbekstan Úkimeti men Ortalyq bankiniń basshylyǵyna alǵysyn bildirdi. Jeke jáne zańdy tulǵalarǵa banktik qyzmet kórsetý úshin «Tenge Bank» barlyq jaǵdaidy jasaidy. Elshi qazaqstandyq jáne ózbek kásipkerleri arasynda eksporttyq-importtyq operatsiialar júrgizý múmkindigin keńeitetin saýdany qarjylandyrý tetigin erekshe atap ótti.
Ashylý rásimi aiaqtalǵannan keiin is-sharaǵa qatysýshylar Bank ákimshilik korpýsyna baryp, usynylǵan bank ónimderimen, sondai-aq banktiń orta merzimdi kezeńge arnalǵan aǵymdaǵy josparlary men damý perspektivalarymen tanysty.
