Foto: nova24.uz
Ózbekstan prezidenti Shavkat Mirzieevtiń jarlyǵyna sáikes 17 myńnan asa sheneýnik jumystan qysqarady, - dep habarlaidy Tengrinews.kz portaly kun.uz saityna silteme jasap.
Jarlyqqa sáikes, ministrlikter men vedomstvolardan biýdjettik jáne biýdjetten tys qorlardan qarjylandyrylatyn 17 447 qyzmetker (24 paiyz) qysqarady.
Basshy orynbasarlarynyń sany 207-den 144-ke deiin nemese 30 paiyzǵa qysqarady. Sondai-aq, aldyn ala baǵalaý boiynsha, 703 qyzmettik kólik pen 10 ǵimarat bosaidy. Osy sharalar nátijesinde Ózbekstan biligi mynadai qarjy únemdeidi:
- Shtattardy qysqartý arqyly 1,5 trillion sým (133 million dollar) ;
- Kólikterdiń sanyn azaitý arqyly 70 milliard sým (6,2 million dollar) (janarmai, mai, shinalardy aýystyrý jáne t.b. shyǵyndardy qosqanda).
Ministrlikter men vedomstvolar qyzmetkerleriniń jalpy shekteýli sany 56 573 adam bolady.
Jarlyqqa sáikes ministrlikter men vedomstvolardyń biýdjetten tys qarajaty esebinen qosymsha shtat engizýge qatań tyiym salynady.
