Túrkistan qalasyna kireberiste álemdegi ozyq tájiribelerdi ushtastyrǵan eńseli meshit boi kóterip jatyr. Jobaǵa Ózbekstan Respýblikasynyń Prezidenti Shavkat Mirziioev qoldaý kórsetýde, dep habarlaidy "Ult aqparat".
Ózbekstan memleketiniń Túrkistanǵa tartýy retinde salynyp jatqan meshittiń qurylysyn keler jyly aiaqtaý josparlanǵan.
Sáýleti erekshe Islam ortalyǵynyń ishki jáne syrtqy bezendirilýi shyǵys naqyshynda júrgizilýde. Jańa joba jan-jaqty zerdelenip, álem elderindegi ozyq tájiribeler eskerilgen. Meshit irgesiniń berik bolýy úshin ózindik tehnologiia ázirlengen.
Islam ortalyǵynyń jalpy kólemi – 20 myń sharshy metr.
Aita keteiik, búgin oblys ákimi Ómirzaq Shókeev Túrkistan qalasyndaǵy qurylys alańdaryn aralap, jaýapty basshylarǵa naqty tapsyrmalar júktedi. Qazirgi tańda oblys ortalyǵynyń ákimshilik-iskerlik ortalyǵynda 5, 7, 9, 12 jáne 20 qabatty 60 turǵyn úi boi kóterdi. Sondai-aq ákimshilik ǵimaraty bar 20 qabatty turǵyn úi qurylysy júrip jatyr.
Oblys ákimi «Yassy Tower» biznes ortalyǵynyń qurylysymen de tanysty. Ákimshilik-iskerlik ortalyqta ornalasqan zamanaýi ǵimarattyń 13 qabatynda qurylys jumystary júrip jatyr.
Budan bólek, Ómirzaq Shókeev Túrkistanda salynyp jatqan álemdik standarttarǵa sai Muz aidynynda boldy. 1200 adamǵa laiyqtalǵan Muz aidyny keler jyly paidalanýǵa beriledi dep josparlanyp otyr.
