Ózbekstan syrtqy ister ministri Abdýlaziz Kamilov senat otyrysynda Ýkrainadaǵy jaǵdai boiynsha suraqtarǵa jaýap berdi.
Onyń aitýynsha, Ózbekstan Ýkrainadaǵy jaǵdaiǵa alańdaidy jáne máseleniń beibit túrde sheshilgenin qalaidy. Ol Tashkent eki elmen qarym-qatynasty jalǵastyra beretinin aitty, dep habarlaidy Azattyq.
Abdýlaziz Kamilov sóz arasynda Ýkrainadaǵy qiyn jaǵdaidy eskere otyryp, Tashkent Kievke taǵy gýmanitarlyq kómek jiberetinin aitty.
Buǵan deiin Ýkrainanyń Tashkenttegi elshisi Mikola Doroshenko Kievke 28 tonna gýmanitarlyq kómek bergeni úshin Ózbekstanǵa alǵys bildirgen.
Kamilov senat otyrysy kezinde Ózbekstan Ýkraina shyǵysyndaǵy separatistik qurylymdardy atap aitqanda, "Lýgansk jáne Donetsk halyq respýblikalaryn" moiyndamaitynyn málimdedi.
"Ózbekstan Ýkrainanyń táýelsizdigin, egemendigi men territoriialyq tutastyǵyn moiyndaidy. Lýgansk jáne Donetsk halyq respýblikalaryn moiyndamaimyz" dedi syrtqy ister ministri.
Syrtqy saiasat kontseptsiiasyna súiengen ministr Ózbekstan eshqandai áskeri-saiasi bloktarǵa qatyspaidy jáne áskerin de sheteldegi qaqtyǵystarǵa jibermeidi dedi.
Onyń aitýynsha, Ýkrainaǵa basyp kirgeni úshin Máskeýge salynǵan sanktsiia Ózbekstanǵa tikelei áser etip otyr. Tashkent onyń keri áserin joiýǵa kúsh salady.
24 aqpanda Resei prezidenti Vladimir Pýtin Ýkrainany "denatsifikatsiia jáne demilitarizatsiialaý" maqsatynda kórshi elge basyp kirgen. Pýtin NATO Ýkrainany Reseige qarsy shepke ainaldyrǵysy keledi dep málimdegen. Ýkraina men NATO muny joqqa shyǵarady.
