Ózbekstannyń aýyl sharýashylyǵy ministrligi Reseide 1 mln gektar jerge soia men astyq egýdi kózdep otyr. Taraptar jobany 35 000 gektar jerde bastap kórýge kelisti.
Bul týraly Ózbekstan aýyl sharýashylyǵy ministri Jamshid Hojaev pen Resei aýyl sharýashylyǵy ministrliginiń ókilderi habarlady, dep jazady Azattyq.
Ózbek jaǵynyń habarlaýynsha, Reseidiń aýyl sharýashylyǵy ministrligi ózbek-orys jobasyna qyzyǵýshylyq tanytqan.
Resei aýyl sharýashylyǵy ministriniń orynbasary Sergei Levinniń habarlaýynsha, qazir Reseide shamamen 8-13 million gektar jer bar, al Federatsiiadaǵy 23 sýbekt ózbek-orys jobasyn qoldaýǵa niet bildirip otyr.
Ózbek ministriniń aitýynsha, 35 myń ga jerden alynǵan ónim Ózbekstanǵa eksporttalady.
Reseidegi sharýalarǵa jumys kúshi jetpei jatyr. Aýyl sharýashylyǵy ministrliginiń habarlaýynsha, bir ǵana Astrahan oblysyna 11 myń eńbek migranty kerek. Jergilikti jumysshylar ailyqty ósirse de alqapqa shyqpaǵan. Sonyń saldarynan Reseidiń barlyq aimaǵynda aýyl sharýashylyǵy ónimderi kúrt qymbattap ketti.
