ٶزبەكستاننىڭ اۋىل شارۋاشىلىعى مينيسترلٸگٸ رەسەيدە 1 ملن گەكتار جەرگە سويا مەن استىق ەگۋدٸ كٶزدەپ وتىر. تاراپتار جوبانى 35 000 گەكتار جەردە باستاپ كٶرۋگە كەلٸستٸ.
بۇل تۋرالى ٶزبەكستان اۋىل شارۋاشىلىعى مينيسترٸ جامشيد حوجاەۆ پەن رەسەي اۋىل شارۋاشىلىعى مينيسترلٸگٸنٸڭ ٶكٸلدەرٸ حابارلادى, دەپ جازادى ازاتتىق.
ٶزبەك جاعىنىڭ حابارلاۋىنشا, رەسەيدٸڭ اۋىل شارۋاشىلىعى مينيسترلٸگٸ ٶزبەك-ورىس جوباسىنا قىزىعۋشىلىق تانىتقان.
رەسەي اۋىل شارۋاشىلىعى مينيسترٸنٸڭ ورىنباسارى سەرگەي لەۆيننٸڭ حابارلاۋىنشا, قازٸر رەسەيدە شامامەن 8-13 ميلليون گەكتار جەر بار, ال فەدەراتسيياداعى 23 سۋبەكت ٶزبەك-ورىس جوباسىن قولداۋعا نيەت بٸلدٸرٸپ وتىر.
ٶزبەك مينيسترٸنٸڭ ايتۋىنشا, 35 مىڭ گا جەردەن الىنعان ٶنٸم ٶزبەكستانعا ەكسپورتتالادى.
رەسەيدەگٸ شارۋالارعا جۇمىس كٷشٸ جەتپەي جاتىر. اۋىل شارۋاشىلىعى مينيسترلٸگٸنٸڭ حابارلاۋىنشا, بٸر عانا استراحان وبلىسىنا 11 مىڭ ەڭبەك ميگرانتى كەرەك. جەرگٸلٸكتٸ جۇمىسشىلار ايلىقتى ٶسٸرسە دە القاپقا شىقپاعان. سونىڭ سالدارىنان رەسەيدٸڭ بارلىق ايماعىندا اۋىل شارۋاشىلىعى ٶنٸمدەرٸ كٷرت قىمباتتاپ كەتتٸ.
