Búgin Qazaqstan Premer-Ministri Baqytjan Saǵyntaev Memleket basshysynyń tapsyrmasymen Astana qalasynyń áýejaiynda Qazaqstanǵa memlekettik saparmen kelgen Ózbekstan Respýblikasynyń Prezidenti Shavkat Mirzieevti qarsy aldy, - dep habarlaidy "Ult aqparat".
Sonymen qatar mártebeli meimandy QR Premer-Ministriniń birinshi orynbasary A. Mamin, syrtqy ister ministri Q. Ábdirahmanov, Astana qalasynyń ákimi Á. Isekeshev, Qazaqstannyń ÓR-daǵy elshisi E. Ótembaev qarsy aldy.
Bul Shavkat Mirzieevtiń Ózbekstan Respýblikasynyń Prezidenti retindegi Qazaqstanǵa alǵashqy resmi sapary.
Ózbekstan Respýblikasynyń Prezidenti Shavkat Mirzieev Qazaqstan Prezidenti Nursultan Nazarbaevpen kezdesý ótkizedi, onda ekijaqty yntymaqtastyq máseleleri talqylanatyn bolady.
