Nursultan Nazarbaev Ózbekstan Respýblikasynyń Prezidenti Shavkat Mirziioevpen telefon arqyly sóilesti, dep habarlaidy "Ult aqparat" Elbasynyń resmi saityna silteme jasap.
Áńgime barysynda Ózbekstan Prezidenti Elbasyna tezirek koronavirýs syrqatynan saýyǵyp, baýyrlas Qazaqstan halqynyń igiligi jolyndaǵy memlekettik qyzmetine oralýyna tilektestik bildirdi.
Taraptar eki el úkimetteriniń koronavirýs pandemiiasyn eńserýge baǵyttalǵan sharalary týraly pikir almasty.
Sondai-aq Nursultan Nazarbaev pen Shavkat Mirziioev aldaǵy kezdesýler men is-sharalardyń kestesin talqylady.
Áńgime sońynda Elbasy Ózbekstan Prezidentine jyly lebizderi úshin alǵysyn bildirip, eki el arasyndaǵy dástúrli dostyq jáne tatý kórshilik qarym-qatynasty odan ári nyǵaitýdyń mańyzyn atap ótti.
Telefon arqyly sóilesýge ózbek tarapy bastamashy boldy.
