Foto: nova24.uz
Parij Olimpiadasynda úzdik nátije kórsetken Ózbekstan sportshylary óz elderine qaitty. Olimpiada júldesin enshilegen sportshylardy jurtshylyqtyń erekshe sán-saltanatpen kútip alǵan sátiniń videosy áleýmettik jelide tarap jatyr.
Is-sharaǵa sportshylardyń týystary, jankúierler, sondai-aq sheneýnikter qatysqan.
Saltanatty kezdesýden keiin sportshylar ádemi avtobýstarǵa minip, Tashkent qalasyn aralap shyqqan.
Anhor.uz habarlaǵandai, Olimpiada chempiondary men júldegerleri úshin avtomobilder daiyndalǵan: altyn medal iegerleri úshin 8 Tahoe jol talǵamaityn kóligi jáne kúmis jáne qola medal iegerleri úshin 5 BYD Song Plus Champion kólikteri. Sonymen qatar sportshylarǵa aqshalai syiaqy beriledi: altyn medal úshin 200,000 dollar, kúmis úshin 100,000 dollar jáne qola úshin 50,000 mdollar.
2024 jylǵy Parij Olimpiadasynda Ózbekstan quramasy óz tarihynda alǵash ret 8 altyn, 2 kúmis jáne 3 qola medal jeńip alyp, jalpy esepte 13-shi orynǵa ie boldy. Bul el tarihyndaǵy eń úzdik nátije, olar Ortalyq Aziia men TMD elderi arasynda birinshi oryn, sondai-aq Aziiada tórtinshi oryn ielenip otyr.
