Joǵary Eýraziialyq ekonomikalyq keńestiń otyrysynda ekonomikalyq odaqqa múshe memleketterdiń bir aýyzdan bergen daýysy boiynsha Ózbekstan men Kýba EAEO janyndaǵy baqylaýshy-memleket mártebesine ie boldy, dep habarlaidy "Ult aqparat".
Joǵary Eýraziialyq ekonomikalyq keńestiń otyrysynyń sońynda keńes tóraǵasy, Belarýs prezidenti Aleksandr Lýkashenko Ózbekstan men Kýbany EAEO janyndaǵy baqylaýshy-memleket quramyna kirgizý týraly suraqty kún tártibine qoidy. Ekonomikalyq odaqqa múshe memleketterdiń eshqaisysy bul sheshimge qarsylyq bildirgen joq.
«Sizderdiń attaryńyzdan, EAEO múshe memleketterdiń basshylarynyń atynan Kýba Respýblikasy men Ózbekstan Respýblikasynyń prezidentterin quttyqtaýǵa ruqsat etińizder. Osynaý mártebe bizdiń ekonomikalyq odaqpen yntymaqtastyqty nyǵaitýǵa jol ashyp, saýda-ekonomikalyq qarym-qatynasty bekemdete túsýge múmkindik berer degen senimdemiz», - dedi Aleksandr Lýkashenko.
