جوعارى ەۋرازييالىق ەكونوميكالىق كەڭەستٸڭ وتىرىسىندا ەكونوميكالىق وداققا مٷشە مەملەكەتتەردٸڭ بٸر اۋىزدان بەرگەن داۋىسى بويىنشا ٶزبەكستان مەن كۋبا ەاەو جانىنداعى باقىلاۋشى-مەملەكەت مەرتەبەسٸنە يە بولدى, دەپ حابارلايدى "ۇلت اقپارات".
جوعارى ەۋرازييالىق ەكونوميكالىق كەڭەستٸڭ وتىرىسىنىڭ سوڭىندا كەڭەس تٶراعاسى, بەلارۋس پرەزيدەنتٸ الەكساندر لۋكاشەنكو ٶزبەكستان مەن كۋبانى ەاەو جانىنداعى باقىلاۋشى-مەملەكەت قۇرامىنا كٸرگٸزۋ تۋرالى سۇراقتى كٷن تەرتٸبٸنە قويدى. ەكونوميكالىق وداققا مٷشە مەملەكەتتەردٸڭ ەشقايسىسى بۇل شەشٸمگە قارسىلىق بٸلدٸرگەن جوق.
«سٸزدەردٸڭ اتتارىڭىزدان, ەاەو مٷشە مەملەكەتتەردٸڭ باسشىلارىنىڭ اتىنان كۋبا رەسپۋبليكاسى مەن ٶزبەكستان رەسپۋبليكاسىنىڭ پرەزيدەنتتەرٸن قۇتتىقتاۋعا رۇقسات ەتٸڭٸزدەر. وسىناۋ مەرتەبە بٸزدٸڭ ەكونوميكالىق وداقپەن ىنتىماقتاستىقتى نىعايتۋعا جول اشىپ, ساۋدا-ەكونوميكالىق قارىم-قاتىناستى بەكەمدەتە تٷسۋگە مٷمكٸندٸك بەرەر دەگەن سەنٸمدەمٸز», - دەدٸ الەكساندر لۋكاشەنكو.
