Bokstan Ózbekstan quramasynyń bas bapkeri Týlkin Kilichev Qazaqstan quramasyndaǵy áriptesi Myrzaǵali Aitjanov týraly oiyn aitty, dep habarlaidy "Ult aqparat" Vesti.kz saityna silteme jasap.
"Myrzaǵali aǵamyz – álemdegi myqty jattyqtyrýshynyń biri. Ol Qazaqstan quramasynyń tizginin alǵash ustaǵanda álemdik boksta Ýkraina atoilap tur edi ǵoi. Sol kezde ýkrainalyqtarǵa laiyqty básekelestik tanytyp, ekpinin basqan dál osy Qazaqstan boksshylary edi. Men ol ýaqytta bapkerlik jumysqa endi kirisip, Shyrshyq quramasyn jattyqtyrýdy qolǵa alǵan edim. Myrzaǵali aǵadan, Marat Jákievten bilmegenimdi surap, aqyl-keńes alyp turatynmyn.
Jas bolǵan soń, keide tóreshilerdiń ádiletsizdigine shydamai shiryǵyp shyǵa keletin edik. Sondai kezde Myrzaǵali aǵamyz «Týlkin, aiqailaǵannan eshteńe shyqpaidy. Olar sheshimin endi ózgertpeidi. Sondyqtan shákirtterińdi budan da myqty etip daiynda. Ashýǵa erik berseń, uzamai-aq taýsylyp tynasyń. Aldaǵy ýaqytta mundai ádiletsizdiktiń talaiyn kóresiń», deitin. Qarap otyrsam, Myrza bapker durys aitqan eken. Odan keiin de talai dúnie bastan ótti ǵoi.", - deidi Kilichev "Egemen Qazaqstan" gazetine suhbatta.
