Ózbekstan biligi Qazaqstan, Qyrǵyzstan jáne Tájikstannyń joǵary oqý oryndarynda bilim alyp jatqan otandastaryna óz eliniń joǵary oqý oryndaryna aýysýdy usyndy, dep habarlady Sputnik Ózbekstan eldiń joǵary jáne orta arnaýly bilim ministrliginiń baspasóz qyzmeti.
Buǵan deiin ózbek stýdentterinde mundai múmkindik bolmaǵan. Bilik óz erkimen aýysý baǵdarlamasyn iske qosý týraly sheshim qabyldady. Oǵan Prezidenttiń halyqtyq qabyldaýynda bolǵan kóptegen ata-ananyń balalaryna aqsha jiberýdiń qiyn ekenin aityp shaǵymdanýy sebep boldy. Sondai-aq turǵyndar kórshi elderdiń joǵary oqý oryndaryndaǵy bilim sapasyna kóńili tolmaitynyn jetkizgen.
Ministrlik atap ótkendei, ózbekstandyqtarǵa oqýyn otanynda jalǵastyrýǵa ǵana múmkindik beriledi, qalǵan máselelerdi ózderi sheshýi kerek.
Sonymen birge Ózbekstan syrtqy ister ministrligi Qazaqstan, Qyrǵyzstan jáne Tájikstannan oralǵysy keletin stýdentter osy elderdegi diplomatiialyq jáne konsýldyq mekemelerdiń jaýapty qyzmetkerlerimen bailanysa alatyndyǵyn habarlady.
Nómirler tizimi:
- Qazaqstandaǵy elshilik (Nur-Sultan): +7 777 218 20 10, +7 771 200 87 52;
- Qyrǵyzstandaǵy elshilik (Bishkek): +9 965 557 001 45;
- Tájikstandaǵy elshilik (Dýshanbe): +9 929 388 844 42;
- Aqtaýdaǵy Bas konsýldyq (Qazaqstan): +7 729 277 71 17, +7 777 599 00 52;
- Almatydaǵy Bas konsýldyq (Qazaqstan): +7 727 390 26 16, +7 777 950 44 33, +7 777 950 44 55, +7 777 950 44 22, +7 777 950 44 11.
