ٶزبەكستان بيلٸگٸ قازاقستان, قىرعىزستان جەنە تەجٸكستاننىڭ جوعارى وقۋ ورىندارىندا بٸلٸم الىپ جاتقان وتانداستارىنا ٶز ەلٸنٸڭ جوعارى وقۋ ورىندارىنا اۋىسۋدى ۇسىندى, دەپ حابارلادى Sputnik ٶزبەكستان ەلدٸڭ جوعارى جەنە ورتا ارناۋلى بٸلٸم مينيسترلٸگٸنٸڭ باسپاسٶز قىزمەتٸ.
بۇعان دەيٸن ٶزبەك ستۋدەنتتەرٸندە مۇنداي مٷمكٸندٸك بولماعان. بيلٸك ٶز ەركٸمەن اۋىسۋ باعدارلاماسىن ٸسكە قوسۋ تۋرالى شەشٸم قابىلدادى. وعان پرەزيدەنتتٸڭ حالىقتىق قابىلداۋىندا بولعان كٶپتەگەن اتا-انانىڭ بالالارىنا اقشا جٸبەرۋدٸڭ قيىن ەكەنٸن ايتىپ شاعىمدانۋى سەبەپ بولدى. سونداي-اق تۇرعىندار كٶرشٸ ەلدەردٸڭ جوعارى وقۋ ورىندارىنداعى بٸلٸم ساپاسىنا كٶڭٸلٸ تولمايتىنىن جەتكٸزگەن.
مينيسترلٸك اتاپ ٶتكەندەي, ٶزبەكستاندىقتارعا وقۋىن وتانىندا جالعاستىرۋعا عانا مٷمكٸندٸك بەرٸلەدٸ, قالعان مەسەلەلەردٸ ٶزدەرٸ شەشۋٸ كەرەك.
سونىمەن بٸرگە ٶزبەكستان سىرتقى ٸستەر مينيسترلٸگٸ قازاقستان, قىرعىزستان جەنە تەجٸكستاننان ورالعىسى كەلەتٸن ستۋدەنتتەر وسى ەلدەردەگٸ ديپلوماتييالىق جەنە كونسۋلدىق مەكەمەلەردٸڭ جاۋاپتى قىزمەتكەرلەرٸمەن بايلانىسا الاتىندىعىن حابارلادى.
نٶمٸرلەر تٸزٸمٸ:
- قازاقستانداعى ەلشٸلٸك (نۇر-سۇلتان): +7 777 218 20 10, +7 771 200 87 52;
- قىرعىزستانداعى ەلشٸلٸك (بٸشكەك): +9 965 557 001 45;
- تەجٸكستانداعى ەلشٸلٸك (دۋشانبە): +9 929 388 844 42;
- اقتاۋداعى باس كونسۋلدىق (قازاقستان): +7 729 277 71 17, +7 777 599 00 52;
- الماتىداعى باس كونسۋلدىق (قازاقستان): +7 727 390 26 16, +7 777 950 44 33, +7 777 950 44 55, +7 777 950 44 22, +7 777 950 44 11.
