Ózbekstan Densaýlyq saqtaý ministrligi koronavirýs juqtyrǵany rastalǵan naýqas infarkten qaitys bolǵanyn málimdedi, dep habarlaidy ÓzA agenttigi.
«Biyl 26 naýryzda sozylmaly aýrýlarymen dispanserdiń baqylaýynda bolǵan Namangan qalasynyń 72 jastaǵy turǵyny R. oblystyq juqpaly aýrýlar aýrýhanasyna koronavirýstyq infektsiia diagnozymen jatqyzyldy. Sol kúni shamamen 23:00 shamasynda, arnaiy zerthanalyq zertteýler nátijesinde infektsiia juqtyrǵany rastalǵan», - delingen habarlamada.
Naýqasqa virýs 12 naýryzda túrkiialyq M. esimdi qyzdan juqqan, oǵan da osy aýrý diagnozy qoiylyp, karantinge jatqyzylǵan.
Naýqas kóptegen jyldar boiy diabetpen, sozylmaly jedel júrek jetkiliksizdigimen jáne basqa da aýrýlardan zardap shekken. Ol búgin tańerteń saǵat 4.30-da ótkir miokard infarktisinen qaitys boldy.
