Ózbekstanda epidemiologiialyq jaǵdai jaqsaryp, qyzmet kórsetý salasyndaǵy kásipkerliktik keibir túri jumysyn qaita bastady. Sondai-aq halyqaralyq avia, temirjol jáne jol-kólik baǵdaryna shekteýlerdi birtindep alyp tastaý máselesi qarastyrylyp jatyr, dep habarlaidy "Ult aqparat".
Atap ótkende, koronavirýsqa qarsy kúres jónindegi arnaiy respýblikalyq komissiianyń sheshimimen 5 qyrkúiekten bastap qoǵamdyq tamaqtaný nysandary óz jumysyn endi ǵimarat ishinde atqarýǵa ruqsat aldy. Sondai-aq teatrlar men kinoteatrlar, saiabaqtarda balalarǵa arnalǵan attraktsiondar qyzmetin bastaidy. Budan basqa, arnaiy komissiia juma, senbi jáne jeksenbi kúnderi dini qyzmetterdi ótkizýge shekteýdi alyp tastady.
Sonymen birge, Ózbekstan basqa eldermen halyqaralyq qatynasty birtindep ashýdy josparlap otyr. Osylaisha, arnaiy komissiia pandemiia kezeńinde turaqty halyqaralyq reisterdi oryndaý tártibi týraly ýaqytsha nusqaýlyqty bekitti. Qazirgi kezde tiisti organdarǵa shetel elderimen kelissózder júrgizý jolymen halyqaralyq reisterdiń barlyq túrlerin birtindep qalpyna keltirý sharalaryn qoldaný tapsyrylǵan.
