Ózbekstan azamattary koronavirýsqa qarsy vaktsinatsiiadan buryn meditsinalyq tekseristen ótedi, dep jazady QazAqparat.
Bul týraly Ózbekstannyń Densaýlyq saqtaý ministrliginiń baspasóz qyzmeti habarlady.
Sanitarlyq-epidemiologiialyq qadaǵalaý jáne densaýlyq saqtaý qyzmeti basshysynyń orynbasary Nurmat Otabekovtiń aitýynsha, koronavirýsqa qarsy vaktsinany alý meditsinalyq tekserý nátijeleri boiynsha qabyldanady.
Otabekov sondai-aq vaktsina alǵysy keletinderdiń barlyǵy meditsinalyq tekseristen ótetinin, bul shara qandai da bir asqynýlardy boldyrmaýǵa sep bolatynyn atap ótti.
Ekpe alǵannan keiin jarty saǵat boiy naýqas meditsinalyq baqylaýda bolady. Dárigerler patsienttiń jaǵdaiyn úsh kún boiy baqylaidy.
Keiin dárigerler olardy úige kelip tekseredi.
Sondai-aq respýblikanyń Densaýlyq saqtaý ministrligi koronavirýsqa qarsy vaktsina almaǵandary durys bolatyn adamdardyń tizimin aitty.
Mysaly, COVID-19 vaktsinatsiiasyn AITV infektsiiasy bar adamdarǵa, aýtoimmýndyq aýrýlarmen aýyratyndarǵa, aýyr allergiialyq reaktsiialary bar adamdarǵa, júkti jáne bala emizetin áielderge, sondai-aq kámeletke tolmaǵandarǵa jasaý usynylmaidy.
Esterińizge sala keteiik, Ózbekstanda vaktsinalaýdyń bastalýy naýryzdyń birinshi jartysyna belgilengen.
Ony ótkizýge Tashkenttegi jáne eldiń barlyq aimaqtaryndaǵy emdeý-profilaktika mekemelerinde 3138 kabinet bólingen.
Sonymen qatar halyqty koronavirýsqa qarsy vaktsinatsiialaýǵa 820 mobildi brigada tartylady.
