Jýyrda Taraz qalasyndaǵy Dostyq úiinde Táýelsizdiktiń 30 jyldyǵyna orai, «Ózbek mýzykasynyń tarihy» atty kontsert ótti. Atalǵan shara etnosaralyq qatynastardy nyǵaitý, ózbek etnosynyń dástúri men ádet-ǵuryptaryn dúiim jurtqa pash etý, sondai-aq, atalmysh etnostyń mádenietimen tanystyrý maqsatynda uiymdastyrylǵan, - dep habarlaidy «Ult aqparat».
Jambyl oblysy ákimdiginiń ishki saiasat basqarmasy «Qoǵamdyq kelisim» KMM jáne «Taraz qalalyq ózbek ortalyǵy» qoǵamdyq birlestigi uiymdastyrǵan atalǵan sharaǵa Taraz qalasynyń ákimi Erjan Jylqybaev, qala turǵyndary men qonaqtary, sonymen qatar, BAQ ókilderi qatysty.
«Barshańyzǵa belgili, Qazaqstan kópultty memleket. Bir shańyraq astynda 140-tan astam etnos ókilderi tatý-tátti ómir súrip kele jatqanyna mine Táýelsiz Qazaqstannyń otyzynshy jylyna aiaq bastyq. Búgingi «Ózbek mýzykasynyń tarihy» atty kontsertti tamashalap otyrǵanymyzdyń ózi búgingi beibit ómirimizdiń tirshiligi. Bizdiń oblysta, qalamyzda qanshama ult ókilderi ómir súrip jatyr. Ár ulttyń mádenieti, salt-dástúri, tili óz aldyna damyp, qalyptasýyna yqpal etip kelemiz. Búgingi merekelik keshke qutty bolsyn aita otyryp, ózbek halqyn shyn júrekten quttyqtaimyn», - dedi Taraz qalasynyń ákimi Erjan Jylqybaev.
Onyń aitýynsha, myń jyldyq tarihy bar Taraz shaharynda ózbek ultynyń ókilderi óte kóp. Olardyń árqaisy qalanyń damýy men memlekettiń birtutastyǵy úshin ómir súrip, bilim alyp, qyzmet etip keledi. Qala ákimi osyndai birlikte ómir súrip otyrǵan oblys jurtshlyǵynya óz rizashylyǵyn bildirdi.
Aita keteiik, atalǵan merekelik kontserttiń shymyldyǵyn aqsaqaldar alqasy aq batasymen ashty. Sondai-aq, birlestik tóraǵasy Abdýrahman Zainýtdinov kórermenderdi El Táýelsizdiginiń 30 jyldyǵymen quttyqtady.
«Elimizde qansha etnos tursa da, barlyǵymyz bir úidiń balasyndai tatý ómir keshýdemiz. Bul eń birinshi kóńili darhandai keń qazaq halqynyń arqasy dep bilemin. Odan keiin Elbasymyzdyń eren eńbegi. Osyndai tulǵalardyń arqasynda árqashanda beibitshilik pen kelisimniń simvoly bolyp júre bermekpiz», - dedi aqsaqaldar alqasy birlestiginiń tóraǵasy Abdýrahman Zainýtdinov.
Táýelsizdiktiń 30 jyldyǵyna orai, «Ózbek mýzykasynyń tarihy» atty kontsert ótken kesh barysynda «Tomiris» bi ansambli óńir turǵyndaryna myń buralǵan bilerin arnasa, Mirzo-Bobýr Týhtamyshev, Asrorbek Iýsýpov, Ashirova Lobara, Býlatov Farhad t.b. ánshiler jinalǵan qaýymǵa ásem ánderin arnady. Osy oraida ánshi Farhad Býlatov óz oiymen bólisti.
«Qazaqstan qanshama ult ókilderin keń qushaǵyna syidyrǵan uly halyq. Tarihqa kóz salsańyz, qanshama ulttar men ulystar qazaq elinen pana taýyp, bir nandy bólisip jedi. Bizdiń búgingi mýzyka tarihymyzǵa arnalǵan keshtiń ózi bir shańyraq astyndaǵy halyqtardyń tarihy men búgini, keleshegine beitarap qaramaityn alyp memleketimizdiń bar ekendiginiń belgisi. Búgingi keshke shaqyrý alǵanda erekshe qýandym, óitkeni Qazaqstanda ózbek azamattary óte kóp, olarǵa tarihi ánderimizdi shyrqap berýdiń ózi bir baqyt», - dedi ánshi Farhad Býlatov.
Sonymen qatar, is-shara sońynda óner kórsetken barsha óner maitalmandary óz kórermenderine sheksiz alǵysyn jetkizdi.
Esterińizge sala keteiik, Jýyrda Taraz qalasyndaǵy Dostyq úiinde Táýelsizdiktiń 30 jyldyǵyna orai, «Ózbek mýzykasynyń tarihy» atty kontsert ótti. Atalǵan shara etnosaralyq qatynastardy nyǵaitý, ózbek etnosynyń dástúri men ádet-ǵuryptaryn dúiim jurtqa pash etý, sondai-aq, atalmysh etnostyń mádenietimen tanystyrý maqsatynda uiymdastyrylǵan. Jambyl oblysy ákimdiginiń ishki saiasat basqarmasy «Qoǵamdyq kelisim» KMM jáne «Taraz qalalyq ózbek ortalyǵy» qoǵamdyq birlestigi uiymdastyrǵan atalǵan sharaǵa Taraz qalasynyń ákimi Erjan Jylqybaev, qala turǵyndary men qonaqtary, sonymen qatar, BAQ ókilderi qatysty.
