Foto: gazeta.uz
Ózbekstandyq fýtbolshy Abdýqodir Hýsanov Angliianyń «Manchester Siti» fýtbol klýbynyń quramyna qosyldy. Klýbtyń sport direktory Chiki Begiristain ózbekstandyq fýtbolshy týraly pikir bildirdi. Bul týraly ol oiynshyny tanystyrýǵa arnalǵan baspasóz máslihatynda aitty, dep habarlaidy Ult.kz.
«Qalalyqtardyń» sport direktory fýtbolshynyń joǵary áleýetke ie ekenin atap ótip, «Manchester Siti» quramyna qosylǵanyna qýanyshty ekenin jetkizdi.
«Abdýqodirdi quramymyzǵa qosqanymyzǵa qýanyshtymyz. Onyń komanda damýyna úles qosýyn asyǵa kútemiz. Hýsanov óte aqyldy, myqty, agressivti jáne keremet jyldam oiynshy. Gvardiolamen jumys istegende, ol odan saiyn kúsheie túsedi. Onymen sóileskenimde, árdaiym ózin damytýǵa sheshim qabyldaǵanyn túsindim. Onyń kelýi Eýropadaǵy eń úzdik komandalardyń biri retindegi bedelimizdi nyǵaitýǵa tamasha múmkindik. «Manchester Siti» quramyndaǵy barlyq oiynshylar Abdýqodir Hýsanovty komandada kórgenine qýanyshty», – dedi Begiristain.
Aita keteiik, ózbekstandyq fýtbolshy jańa komandasynda 45-nómirmen óner kórsetedi jáne APL-de oinaityn alǵashqy ózbek fýtbolshysy atandy. Osylaisha, APL-de oiynshylary oinaǵan elder sany 119-ǵa jetti.
Eske sala ketsek, keshe, 20 qańtarda, Tashkent ýaqytymen 23:00-de «Manchester Siti» Abdýqodir Hýsanovty óz oiynshysy retinde resmi tanystyrǵan edi.
