ٶزبەك فۋتبولشىسى اقىرى “مانچەستەر سيتي” كومانداسىنا قوسىلدى

فوتو: gazeta.uz

ٶزبەكستاندىق فۋتبولشى ابدۋقودير حۋسانوۆ انگلييانىڭ «مانچەستەر سيتي» فۋتبول كلۋبىنىڭ قۇرامىنا قوسىلدى. كلۋبتىڭ سپورت ديرەكتورى چيكي بەگيريستاين ٶزبەكستاندىق فۋتبولشى تۋرالى پٸكٸر بٸلدٸردٸ. بۇل تۋرالى ول ويىنشىنى تانىستىرۋعا ارنالعان باسپاسٶز مەسليحاتىندا ايتتى, دەپ حابارلايدى Ult.kz.

«قالالىقتاردىڭ» سپورت ديرەكتورى فۋتبولشىنىڭ جوعارى ەلەۋەتكە يە ەكەنٸن اتاپ ٶتٸپ, «مانچەستەر سيتي» قۇرامىنا قوسىلعانىنا قۋانىشتى ەكەنٸن جەتكٸزدٸ.

«ابدۋقوديردٸ قۇرامىمىزعا قوسقانىمىزعا قۋانىشتىمىز. ونىڭ كوماندا دامۋىنا ٷلەس قوسۋىن اسىعا كٷتەمٸز. حۋسانوۆ ٶتە اقىلدى, مىقتى, اگرەسسيۆتٸ جەنە كەرەمەت جىلدام ويىنشى. گۆارديولامەن جۇمىس ٸستەگەندە, ول ودان سايىن كٷشەيە تٷسەدٸ. ونىمەن سٶيلەسكەنٸمدە, ەردايىم ٶزٸن دامىتۋعا شەشٸم قابىلداعانىن تٷسٸندٸم. ونىڭ كەلۋٸ ەۋروپاداعى ەڭ ٷزدٸك كوماندالاردىڭ بٸرٸ رەتٸندەگٸ بەدەلٸمٸزدٸ نىعايتۋعا تاماشا مٷمكٸندٸك. «مانچەستەر سيتي» قۇرامىنداعى بارلىق ويىنشىلار ابدۋقودير حۋسانوۆتى كوماندادا كٶرگەنٸنە قۋانىشتى», – دەدٸ بەگيريستاين.

ايتا كەتەيٸك, ٶزبەكستاندىق فۋتبولشى جاڭا كومانداسىندا 45-نٶمٸرمەن ٶنەر كٶرسەتەدٸ جەنە اپل-دە وينايتىن العاشقى ٶزبەك فۋتبولشىسى اتاندى. وسىلايشا, اپل-دە ويىنشىلارى ويناعان ەلدەر سانى 119-عا جەتتٸ.

ەسكە سالا كەتسەك, كەشە, 20 قاڭتاردا, تاشكەنت ۋاقىتىمەن 23:00-دە «مانچەستەر سيتي» ابدۋقودير حۋسانوۆتى ٶز ويىنشىسى رەتٸندە رەسمي تانىستىرعان ەدٸ.