Shyǵys Qazaqstan oblysynyń Beloýsovka kentinde belgili kásipker áieldiń otbasyna qarýly shabýyl jasalyp, saldarynan áiel qaza tapty, dep habarlaidy ult.kz.
Telegram-daǵy «Kriminalnyi Kazahstan» arnasynyń málimetinshe, oqiǵa 23 shildede bolǵan. Belgisiz adamdar jeke turǵyn úige basyp kirip, erli-zaiyptyǵa shabýyl jasaǵan.
Oqiǵa saldarynan kásipker áiel kóz jumǵan. Al onyń kúieýi túrli jaraqatpen Óskemendegi aýrýhanaǵa jetkizildi. Dárigerler onyń jaǵdaiyn ortasha aýyr dep baǵalap otyr.
Jergilikti turǵyndardyń aitýynsha, áiel tunshyqtyrý saldarynan qaza bolýy múmkin. Shabýyl kezinde úide erli-zaiyptynyń nemereleri de bolǵan, olar zardap shekpegen.
Shyǵys Qazaqstan oblysy politsiia departamenti atalǵan fakti boiynsha asa aýyr qylmysqa qatysty qylmystyq is qozǵalǵanyn rastady.
Vedomstvonyń málimetinshe, jedel-izdestirý is-sharalary barysynda tsifrlyq tehnologiialar men turǵyndardyń kómeginiń arqasynda kúdiktilerdiń jeke basy anyqtalǵan.
«Kúdiktiler óńirden tys jerge qashyp ketpek bolǵan kezde ustaldy», – dep habarlady politsiianyń baspasóz qyzmeti.
Qazirgi ýaqytta is boiynsha qajetti tergeý áreketteri júrgizilip jatyr. Tergeý barysy erekshe baqylaýǵa alynǵan. Tergeý múddesine bailanysty ózge aqparat jariialanbaidy.
