Qaraǵandy oblysynda birneshe ai boiy aýyl turǵyndarynyń mazasyn alǵan mal urlyǵyna qatysy bar kúdiktiler toby ustaldy, dep habarlaidy ult.kz.
Polisia.kz málimetinshe, qylmystyń jolyn Nura aýdandyq politsiia bóliminiń kriminaldyq politsiia qyzmetkerleri jedel-izdestirý sharalary barysynda kesti. Tergeý barysynda kúdiktilerdiń urlyq jasalǵan aýyldardyń birinde turatyny anyqtalǵan.
Politseilerdiń málimetinshe, kúdiktiler biylǵy naýryz aiynan beri júieli túrde mal urlyǵymen ainalysqan. Osy ýaqyt aralyǵynda olar keminde bes qylmystyq epizodqa qatysyp, aýyl turǵyndarynyń 14 bas iri qarasy men 24 qoiyn urlaǵan.
Tergeý kezinde ustalǵandar kinálaryn tolyq moiyndap, jasaǵan áreketterine ókinetinderin aitqan.
Jedel sharalardyń nátijesinde urlanǵan maldyń bir bóligi tabylyp, zańdy ielerine qaitaryldy. Atap aitqanda, jeti siyr men úsh qoi ielerine tabystaldy.
Al qalǵan maldyń Aqmola oblysy men Astana qalasynyń aýmaǵynda satylyp ketkeni belgili boldy. Qazir olardy izdep, zańdy ielerine qaitarý jumystary júrgizilip jatyr.
Atalǵan derek boiynsha sotqa deiingi tergeý jalǵasýda. Sonymen qatar politseiler kúdiktilerdiń Nura aýdanynda jáne kórshiles óńirlerde jasalǵan osyǵan uqsas basqa da qylmystarǵa qatysy bar-joǵyn tekserip jatyr.
