Reseilik oppozitsiialyq saiasatker ári Jemqorlyqpen kúres qorynyń jetekshisi Aleksei Navalnyi 23 tamyzda tańerteń Máskeýdegi ákimshilik sot jazasyn óteitin mekemeden bostandyqqa shyqty. Bul týraly búgin onyń baspasóz hatshysy Kira Iarmysh habarlady.
Beisenbi kúni Máskeý soty Navalnyidyń qamaýda otyrǵan kezde astan ýlanyp qalǵannan keiin aýrýhanada ótkizgen ýaqytyn qosyp, onyń jaza merzimin uzartýdy suraǵan mekeme ákimshiliginiń ótinishin qanaǵattandyrmai tastaǵan.
Kira Iarmysh Twitter-degi paraqshasyna Navalnyidyń Máskeýdegi jaza óteý mekemesinen shyqqan sátinen túsirilgen fotosýretterdi jariialady.
Kreml saiasatyn synaityn saiasatker Aleksei Navalnyi ótken aida Máskeýdegi "ruqsat etilmegen mitingige qatysqany" úshin sot sheshimimen 30 táýlikke ákimshilik qamaýǵa alynǵan bolatyn.
28 shildede ózin jaisyz sezingen Navalnyi qamaý ornynan aýrýhanaǵa jetkizilgen. Resmi aqparat boiynsha, oppozitsionerge "terisi qabynǵan" degen diagnoz qoiylǵan. Navalnyidyń kei jaqtastary oppozitsionerge dertti "ádeii juqtyrǵan" bolýy múmkin dep sanaidy. Aýrýhanada 19 saǵatqa jýyq bolǵannan keiin Navalnyidy qaitadan ákimshilik jaza óteýshiler otyrǵan mekemege qaitarǵan.
