رەسەيلٸك وپپوزيتسييالىق ساياساتكەر ەرٸ جەمقورلىقپەن كٷرەس قورىنىڭ جەتەكشٸسٸ الەكسەي ناۆالنىي 23 تامىزدا تاڭەرتەڭ مەسكەۋدەگٸ ەكٸمشٸلٸك سوت جازاسىن ٶتەيتٸن مەكەمەدەن بوستاندىققا شىقتى. بۇل تۋرالى بٷگٸن ونىڭ باسپاسٶز حاتشىسى كيرا يارمىش حابارلادى.
بەيسەنبٸ كٷنٸ مەسكەۋ سوتى ناۆالنىيدىڭ قاماۋدا وتىرعان كەزدە استان ۋلانىپ قالعاننان كەيٸن اۋرۋحانادا ٶتكٸزگەن ۋاقىتىن قوسىپ, ونىڭ جازا مەرزٸمٸن ۇزارتۋدى سۇراعان مەكەمە ەكٸمشٸلٸگٸنٸڭ ٶتٸنٸشٸن قاناعاتتاندىرماي تاستاعان.
كيرا يارمىش Twitter-دەگٸ پاراقشاسىنا ناۆالنىيدىڭ مەسكەۋدەگٸ جازا ٶتەۋ مەكەمەسٸنەن شىققان سەتٸنەن تٷسٸرٸلگەن فوتوسۋرەتتەردٸ جارييالادى.
كرەمل ساياساتىن سىنايتىن ساياساتكەر الەكسەي ناۆالنىي ٶتكەن ايدا مەسكەۋدەگٸ "رۇقسات ەتٸلمەگەن ميتينگٸگە قاتىسقانى" ٷشٸن سوت شەشٸمٸمەن 30 تەۋلٸككە ەكٸمشٸلٸك قاماۋعا الىنعان بولاتىن.
28 شٸلدەدە ٶزٸن جايسىز سەزٸنگەن ناۆالنىي قاماۋ ورنىنان اۋرۋحاناعا جەتكٸزٸلگەن. رەسمي اقپارات بويىنشا, وپپوزيتسيونەرگە "تەرٸسٸ قابىنعان" دەگەن دياگنوز قويىلعان. ناۆالنىيدىڭ كەي جاقتاستارى وپپوزيتسيونەرگە دەرتتٸ "ەدەيٸ جۇقتىرعان" بولۋى مٷمكٸن دەپ سانايدى. اۋرۋحانادا 19 ساعاتقا جۋىق بولعاننان كەيٸن ناۆالنىيدى قايتادان ەكٸمشٸلٸك جازا ٶتەۋشٸلەر وتىرعان مەكەمەگە قايتارعان.
