Búgin Otyrar aýdanynda QR Táýelsizdigi kúni merekesine orai «Shámshi saiabaǵynyń» ashylý saltanaty ótti. Asa kórnekti sazger, án janrynyń áigili maitalmany, Qazaqstan mádenietine eńbegi sińgen qairatker, Qazaqstannyń halyq ártisi Shámshi Qaldaiaqovtyń qurmetine arnalǵan saiabaqta ataqty kompozitordyń qurmetine eńseli eskertkish te boi kóterdi.
Saiabaqtyń ashylý saltanatynda sóz alǵan aýdan ákimi Erlan Aitahanov aýyl turǵyndaryn Táýelsizdiktiń 27 jyldyq mereili merekesimen quttyqtap, eńseli eskertkishtiń lentasyn qidy.
«Qurmetti otyrarlyqtar! Sizderdi babalarymyzdyń ǵasyrlar boiy ańsap, qol jetkizgen Táýelsizdik kúnimen jáne «Qazaq valsiniń koroli» Shámshi Qaldaiaqovtyń qurmetine arnalǵan saiabaqtyń ashylýymen shyn júrekten quttyqtaimyn! Búginde egemen elimiz kún sanap kórkeiip, jahandyq básekege qabiletti eldermen iyq tirese, rýhani jańǵyrý jolyna túsip keledi. Ult Kóshbasshysy Nursultan Ábishuly Nazarbaev “Bolashaqqa baǵdar: Rýhani jańǵyrý” atty maqalasynyń “Týǵan jer” baǵdarlamasynda Otanymyzdy kórkeitip, qazaqstandyqtardyń jaǵdaiyn jaqsartý úshin kóptegen jumystardy atqarý kerek ekenin atap kórsetken bolatyn. Osy baǵytta aýdanymyzda birneshe aýqymdy jumystar jumystar atqarylyp keledi. Munyń bári Táýelsiz memleketimizdiń beibit kúnderde qol jetkizgen jetistikteri dep bilemin. Bar qazaqty ásem ánimen áldilep, óner kókjiegin syrly ánderimen kómkergen sazger atyndaǵy saiabaq aýyl turǵyndary men onyń qonaqtary úshin tamasha demalys orny bolmaq. Elimizdiń eń basty bailyǵy, eń asyl qazynasy-ol halqy. Sol halyqtyń salaýatty, ári rýhani kúsh-qýatqa bai bolyp ómir súrýi úshin osy sekildi saiabaqtar qyzmet ete beredi degen senimdemin», - dedi aýdan basshysy óziniń quttyqtaý sózinde.
Memleket basshysy Nursultan Nazarbaev taiaýda ǵana jariialaǵan «Uly dalanyń jeti qyry» atty maqalasynyń «Uly dala esimderi» atty bóliminde «Uly dala Ál-Farabi men Iasaýi, Kúltegin men Beibarys, Áz-Táýke men Abylai, Kenesary men Abai jáne basqa da kóptegen uly tulǵalar shoǵyryn dúniege ákeldi. Sondyqtan, biz birinshiden, ataqty tarihi tulǵalarymyz ben olardyń jetistikteriniń qurmetine ashyq aspan astynda eskertkish-músinder qoiylatyn «Uly dalanyń uly esimderi» atty oqý-aǵartý entsiklopediialyq saiabaǵyn ashýymyz kerek»,- dep ár óńirden shyqqan uly esimder men uly tulǵalardy dáriptep, keleshekke ónege etip otyrýdy erekshe atap óken bolatyn. Búgingi shara da osy baǵytta atqarylyp jatqan igi isterdiń biri dep bilemiz.
Shara barysynda memlekettik gimn avtorlarynyń biri, «Qazaq valsiniń koroli» atanǵan ataqty kompozitordyń qurmetine arnalǵan saiabaq pen eńseli eskertkishtiń lentasy qiylyp, aýyl qariialary júrek jardy lebizderin aityp, aq batalaryn berdi. Odan ári saltanatty sharada uly sazgerdiń balalyq shaǵynan kórinister qoiylyp, qazaq dalasyn ánmen terbetken sazgerdiń ánderi shyrqaldy. Saiabaqty aralap, qazaqtyń ár balasynyń júreginen jol tapqan áýezdi ánderdi qosyla shyrqaǵan kópshilik kóterińki kóńil-kúimen tarqasty.
Otyrar aýdany ákimdiginiń baspasóz qyzmeti
