Foto: okg.kz
Biylǵy jyldyń 10 aiynda Otyrar aýdanynda jalpy óńirlik ónim kólemi 66,4 mlrd. teńgeni qurapty. Bul ótken jyldyń tiisti kezeńindegi kórsetkishpen salystyrǵanda 300 mln. teńgege artyq. Onyń ishinde 33,3 mlrd. teńgesi aýyl sharýashylyǵy, 2,8 mlrd. teńgesi saýda-sattyq, 22 mlrd. teńgesi ónerkásip, 8,2 mlrd. teńgesi qurylys salalaryna tiesili bolsa, tartylǵan investitsiia kólemi – 23,6 mlrd. teńge. Bul jaiynda oblys ortalyǵynda baspasóz jiynyn ótkizgen aýdan ákimi Qairat Joldybai málim etti.
Biyl Otyrar aýdanynda 35 000 gektarǵa egin egilip, egistik alqabynan 395 993 tonna ónim jinalǵan. Odan bólek aýdanda 2024 jyldyń II toqsanynda birneshe investitsiialyq joba iske asyryldy. Máselen, «Barjoý Hinkai Treid goý» LTD kompaniiasynyń qatysýymen 500 gektar alqapqa tamshylatyp sýarý ádisimen maqta daqyly egilip, 1 200 tonna ónim alynǵan. Sonymen qatar, aýdanda saýda salasy boiynsha jyl sońyna deiin 800 mln. teńgege eki shaǵyn investitsiialyq jobany iske qosý josparlanǵan. Budan bólek 2025 jyly túie sútin óńdep, untaq shyǵaratyn kásiporyn qurý kózdelgen. Atalǵan jobanyń quny 360 mln. teńgeni quraidy. Keler jyly aýdanda «Nomad» JShS-niń demalys aimaǵy da iske qosylady. Al, 2026 jyly «Januia» JShS-niń emdik balshyq jáne jyly sýmen emdeý ortalyǵyn iske qosý kózdelgen. Búginde investorlarmen kelissózder júrgizilip jatyr. Sondai-aq, 2025-2030 jyldar aralyǵynda jalpy quny 145 mlrd. 625 mln. teńgeni quraityn 157 iri jáne shaǵyn investitsiialyq jobalar júzege asyrylyp, 1 790 adam jumyspen qamtylmaq.
– Sháýildir aýylynda «Jaily mektep» ulttyq pilottyq jobasy aiasynda 600 oryndy mektep qurylysy júrgizilýde. Nysan 2024 jyldyń 15 jeltoqsanyna deiin paidalanýǵa berilmek. Sondai-aq, «Aýyldyq densaýlyq saqtaýdy jańǵyrtý» ulttyq jobasy aiasynda Aqqum aýylynda dárigerlik ambýlatoriia qurylysy jáne Shytty aýylynda feldsherlik-akýsherlik nysannyń qurylysy júrgizilýde. Ǵimarattar 2024 jyldyń 1 jeltoqsanyna deiin el igiligine beriledi, – dedi Qairat Joldybaiuly.
Aýdan basshysynyń aitýynsha, Otyrar ólkesindegi 37 eldi mekenniń 35-i ortalyqtandyrylǵan aýyz sý júiesimen qamtylǵan. Qalǵan eki eldi mekenge de jýyrda sapaly aýyz sý jetkiziledi. Sonymen qatar, 2018-2023 jyldar aralyǵynda 21 eldi mekenge «kógildir otyn» berilip, aýdan halqyn tabiǵi gazben qamtý kórsetkishi 71,4 paiyzǵa jetken. 2024 jyldyń 10 aiynda «Aýyl – el besigi» baǵdarlamasy aiasynda jalpy uzyndyǵy 13,7 shaqyrymdy quraityn 7 ishki kóshege, jergilikti biýdjet qarjysy esebinen 34,8 shaqyrymdyq 29 kóshege ortasha jáne aǵymdaǵy jóndeý jumystary júrgizilgen. Nátijesinde aýdandaǵy qanaǵattanarlyq dárejedegi joldar úlesi 80,1 paiyzdy qurap otyr.
