Aýdan turǵyndarynyń zaman aǵymyna sai aqparattyq tehnologiialarmen tanysýy búgingi kúnniń ózekti máseleleriniń biri bolyp otyr.
El Prezidenti Nursultan Nazarbaev «Qazaqstannyń úshinshi jańǵyrýy: jahandyq básekege qabilettilik» atty Qazaqstan halqyna arnalǵan Joldaýynda memlekettik qyzmetter kórsetý úderisin meiilinshe ońtailandyrýǵa, adam óziniń barýyn qajetsinbeitin qyzmetterdi tolyǵymen elektrondyq formatqa kóshirýdi mindettedi. Búgingi tańda Elbasymyz alǵa qoiǵan mindetterdiń biri - elimizde qolǵa alynǵan E-gov "elektrondyq úkimet" portaly arqyly kóptegen kórsetiletin memlekettik qyzmetterdi úiden shyqpai-aq alýǵa múmkindik týyp otyr.
Osyndai maqsatta Otyrarda aýdan ákimi Erlan Aitahanovpen bekitilgen kestege sáikes nasihattyq top aýyl okrýgteri men memlekettik mekemelerdi aralap, túsindirý jumystaryn júrgizýde, dep habarlaidy Ult.kz tilshisi.
Otyrar aýdandyq Ádilet basqarmasynyń basshysy Murat Qasymbaev, «Azamattarǵa arnalǵan úkimet» memlekettik korporatsiiasy» KE AQ Ońtústik Qazaqstan oblysy boiynsha filialy - «Halyqqa qyzmet kórsetý ortalyǵy» departamentiniń Otyrar aýdandyq bóliminiń basshysy Esengeldi Bólebai, aýdan ákimi apparaty aqparattyq qaýipsizdik jáne memlekettik qyzmet kórsetý bóliminiń basshysy Shohan Jamalhanov, aýyl okrýgi ákimderinen qurylǵan top Sháýildir, Otyrar, Qoǵam, Talapty aýyl okrýgterimen qatar, D.Qurmanbek atyndaǵy №20 kolledjinde, Sh.Qaldaiaqov mektebinde kezdesý ótkizdi.
Sonymen qatar, nasihattyq top músheleri I top múgedegi A.Izbanova, II top múgedegi B.Jarqynbekterdiń úilerinde bolyp, mol múmkindikterdi alýdyń ońai jolyn kórsetip berdi.
Turǵyndar arasynda memlekettik kórsetiletin qyzmetterdiń barynsha avtomattandyrylyp, ońtailandyrylǵan qyzmettiń artyqshylyqtary turǵyndar arasynda keńinen nasihattalmaq.
