«Eli súigen, elin súigen Elbasy». Osyndai taqyryppen Otyrar memlekettik arheologiialyq qoryq-murajaiynda dóńgelek ústel uiymdastyryldy. Qonaqtar aldymen mýzei men aýdandyq ortalyq kitaphananyń uiytqy bolýymen qoiylǵan «Elbasy-Ult Kóshbasshysy» atty kórmeni tamashalady. Shara barysynda aýdan ákimi Erlan Aitahanov, ádebietshi Saǵyndyq Qydyr, tarihshy Bekjan Beisenbai jáne mýzei qyzmetkerleri Elbasynyń el birligi, ulttar tatýlyǵy jolynda sińirgen eńbekteri jaiynda keńinen áńgimeledi.
Sondai-aq, «Aqbol» balabaqshasynda «Mektepke deiingi uiymdaǵy pedagogikalyq kadrlardyń kásibi qyzmetinde tehnologiialardy qoldaný tiimdiligi» taqyrybyndaǵy oblystyq tájiribelik seminary ótti. Seminarǵa aýdan ákimi Erlan Aitahanov arnaiy qatysyp, qutyqtaý sóz sóiledi.
Merekelik is-sharalar Q.Muńaitpasov atyndaǵy sport kesheninde jalǵasyn tapty. Mektepke deiingi bilim berý uiymdarynyń qyzmetkerleri arasynda voleiboldan jáne estafetalyq oiyndar jarysynyń ashylý saltanatynda aýdan ákimi jarysqa qatysýshylarǵa jyly lebizin bildirdi.
Mereke aiasynda aýdanymyzda Mediatsiiany damytý ortalyǵy ashyldy. Saltanatty sharany aýdan ákiminiń orynbasary Perdehan Japparqulov biryńǵai qyzmet kórsetý ortalyǵynyń ashylýymen jiylǵan kópshilikti quttyqtady. Jiynda Shymket qalasyndaǵy mediatsiiany damytý ortalyǵynyń direktory Laýra Aqshegirova men aýdandyq sottyń tóraǵasy Ákimbek Janasovtar sóz sóiledi.
Merekelik is-shara Jambyl atyndaǵy mektep-litseiinde «Men Prezidentimmen maqtanamyn» taqyrybynda jalǵasyn tapty. Kópshilikke merekelik kóńil-kúi syilaǵan sharaǵa aýdan ákimi Erlan Aitahanov arnaiy qatysyp, mereili merekemen quttyqtap, elimizdiń erteńgi bolashaǵy bolyp sanalatyn búgingi búldirshinderimizdiń ónerlerin tamashalady.
Ó.Jánibekov atyndaǵy №4 jalpy orta litsei-internatynda «Elbasy – eldiń tiregi» atty merekelik is-sharasy ótkizildi. Aýdan ákimi Erlan Aitahanov jiynǵa qatysýshylardy aitýly merekemen quttyqtap, ósip kele jatqan jas býynǵa Memleket basshysynyń ǵibratty isterin úlgi-ónege ete otyryp, áserli áńgime órbitti.
«Kemeńger Elbasy - yrysy elimniń» atty mádeniet saraiyndaǵy saltanatty jiyn mazmundy ótken barlyq is-sharalardy qorytyndylady. Aýdan ákimi Erlan Aitahanov otyrarlyqtardy merekemen quttyqtap, ár sala boiynsha aýdannyń áleýmettik-ekonomikalyq damýyna ózindik úlesterin qosqan qyzmetkerlerdi aýdan ákiminiń arnaiy Alǵys hattarymen marapattaldy. Merekelik jiyn aýdan ónerpazdarynyń kontserttik baǵdarlamasyna ulasyp, kópshilikke kóterińki kóńil-kúi syilady.
