user18526052/Freepik
Túrkistan oblysynyń Politsiia departamenti basshysy óńirde kámeletke tolmaǵan 15 qyz jynystyq zorlyq-zombylyqqa ushyrady degen aqparatqa qatysty pikir bildirdi, - dep habarlaidy "Ult aqparat".
Buǵan deiin belgili advokat Aiman Omarova óziniń áleýmettik jelisinde Túrkistan oblysynda er adamnyń balalardy zorlaýyna qatysty jańa málimet jariialaǵan bolatyn. Ol zorlyq-zombylyqqa ushyraǵan qyzdardyń sany artqanyn aitty. Osyǵan bailanysty oblystyq Politsiia departamentiniń basshysy Murat Qabdenov málimdeme jasady.
"Áleýmettik jelilerde Túrkistan oblysynda er adam tarapynan zorlyq-zombylyqqa ushyraǵan balalardyń sany 15-ke jetkeni týraly shyndyqqa janaspaityn jariialanym boiynsha túsindiremin.
Túrkistan oblysy Politsiia departamentine 19 qazannyń dál osy ýaqytyna deiin 3 azamat aryzdanǵan. Eshqandai 15 derek nemese 15 aryz, 15 jábirlenýshi degen joq.
Sonymen qatar basqa da jábirlenýshilerdi anyqtaý maqsatynda jedel-tergeý is-sharalaryn jalǵastyryp jatyrmyz.
Osyǵan bailanysty Túrkistan oblysynyń politsiia departamenti jalǵan aqparat taratqany úshin QR QK-niń 274-babymen jaýapkershilikke tartý qarastyrylǵany týraly eskertedi. Sizderden tek resmi derekkózderge sený men súienýdi suraimyn" - dep jazdy ol Facebook paraqshasynda.
