Búgin Otyrar aýdanynda «Altyn kúz» merekesi saltanatty túrde atalyp ótti. Merekelik sharaǵa qatysqan aýdan ákimi Erlan Aitahanov barsha aýyl sharýashylyq salasynyń mamandaryn merekemen quttyqtap, izgi tilegin jetkizdi.
"Elimiz egemendigin alǵannan keiin Elbasymyz Nursultan Nazarbaevtyń sarabdal saiasatynyń arqasynda memleketimizdiń aýyl sharýshylyǵy salasy ósip, órkendep, damyp keledi. Ol úshin kóptegen memlekettik baǵdarlamalar jasalyp, osy baǵytta tiisti jumystar atqarylýda. Búgingi mereke aiaynda ótip jatqan aýylsharýashylyǵy jármeńkesi aýyl sharýashylyǵy ónimderin satý men taratý, aýdanymyzdyń tabiǵi bailyqtaryn nasihattaý t.b. qyzmetter atqaratyn júieli orynǵa ainalyp otyr. Buǵan aýyl eńbekkerleriniń sińirgen eńbegi orasan. Sondyqtan da barsha aýdan turǵyndary men kásipkerlerdi «Altyn kúz - 2018» quttyqtai otyryp, aýdan qoryn aýyl sharýashylyq ónimderine toltyra berińizder degim keledi" - dedi aýdan ákimi óz sózinde.
Azamattary eńbeksúigish, yntymaǵy men birligi jarasqan Otyrar óńiri Táýelsizdigimizdiń 27 jylynda turaqty damý jolyna túsip, elimizdiń ilgeri basýyna ózindik úlesin qosyp keledi.
Biylǵy jyly aýdanymyzdyń aýyl sharýashylyǵy salasy úshin jemisti jyl boldy dep aitsaq qatelespeimiz. Jyl basynda 28 980 ga jerdi igerý josparlanǵan bolsa, jospar 2572 ga artyǵymen oryndalyp, 30 652 ga iaǵni, 106 %-dy qurady. Onyń ishinde 10 000 ga alqapqa Otyrardyń brendine ainalǵan júgeri daqyldary egildi. Osy jylǵy 9 aidyń qorytyndysy boiynsha 12 mlrd 74 myń teńgeniń ónimderi óndirilip, kórsetkish 106,1%, qurady.
Sonymen qatar, aýdanymyz «Altyn asyq» baǵdarlamasy boiynsha 100,6%, «Qulan» baǵdarlamasy boiynsha 103,5 %, «Sybaǵa» baǵdarlamalarynyń oryndalýy boiynsha 101,5 %-dy qurap, oblysta aldyńǵy qatardan kórindi. Ótken jyldyń 9 aiymen salystyrǵanda osy jyly múiizdi iri qara basy – 105,3%, jylqy – 111,4%, qoi-eshki – 100,8%, túie – 108,6% artyp otyr Jylyjai salý, tereń qopsytý tehnologiiasyn engizý, januialyq sút fermalaryn salý jumystary jospardan artyǵymen oryndaldy.
Sondai-aq sharýalardy uiymdastyra otyryp Iran memleketi, Arab Ámirlikterine 272 tonna qoi eti eksporttalyp, kórsetkish 105%-ǵa oryndalyp otyr.
Sharýa shattanyp, dihan rýhani kúsh-qýat alǵan merekede san salanyń úzdikteri marapattalyp, shirek ǵasyrda jetken jetistikter maqtanyshpen aityldy. Is-shara sońy kontserttik baǵdarlamaǵa ulasyp, aýdan kórkemónerpazdary sharýa shattyǵyn eselep, ásem án, tátti kúimen kóptiń kóńilin kóterdi.
Otyrar aýdany ákimdiginiń baspasóz qyzmeti
