Aman Tóleevke "Halyq gýbernatory" qurmetti ataǵyn berý týraly zań kúshin joiǵan joq. Bul týraly Resei prezidentiniń Sibir federaldyq okrýgi boiynsha ókiletti ókili Sergei Meniailo habarlady, dep jazady sputniknews.kz RIA Novosti-ǵa silteme jasap.
Zańǵa sáikes, Kemerovo oblysynyń burynǵy basshysy rezidentsiiasy men qyzmettik úi-jaiyn, kómekshisi men ai saiynǵy tólemaqysyn saqtap qalady.
"Zań qabyldandy, ol búginde kúshin joiǵan joq", — dep málim etti Meniailo jýrnalisterdiń suraǵyna jaýap bere otyryp.
Jeksenbi Kemerovo oblysynyń gýbernatory Aman Tóllev 64 adam qaza tapqan "Zimniaia vishnia" saýda ortalyǵynda shyqqan órtten keiin otstavkaǵa ketti. Ol óńir turǵyndaryna arnaǵan beineúndeýinde bul sheshimniń sanaly túrde jasalǵanyn jáne eń durysy ekenin málim etti.
Aman Tóleevke "Halyq gýbernatory" qurmetti ataǵyn berý týraly zań 2011 jyly jeltoqsanda qabyldanǵan. Qujatqa sáikes oǵan 50 myń rýbl kólemindegi ai saiynǵy tólemaqy taǵaiyndaldy, bul soma jyl saiyn infliatsiia deńgeiine bailanysty indeksteledi.
Budan bólek, burynǵy gýbernatorǵa qoǵamdyq qyzmetin iske asyrý úshin kómekshi men qyzmettik oryn beriledi.
