Otstavkadaǵy sýdialarǵa mindetti áleýmettik meditsinalyq saqtandyrý júiesinde meditsinalyq kómek alýǵa quqyq beriletin bolady. Bul jaiynda QR Premer-Ministri Asqar Maminniń Senat depýtatynyń saýalyna bergen jaýabynda aitylǵan, dep habarlaidy "Ult aqparat".
«Qarjy ministrliginiń aqparaty boiynsha 2020 jylǵy 1 qańtardan bastap mindetti áleýmettik meditsinalyq saqtandyrýdy engize otyryp, 2020-2022 jyldarǵa arnalǵan respýblikalyq biýdjette Áleýmettik meditsinalyq saqtandyrý qoryna jarna tóleýden bosatylǵan azamattardyń 15 sanaty boiynsha memlekettiń jarnalaryna, onyń ishinde zeinetkerlerge jalpy somasy 1 154868,4 mln teńge, atap aitqanda 2020 jylǵa – 316975,2 mln teńge, 2021 jylǵa – 390631,9 mln teńge, 2022 jylǵa – 447261,3 mln teńge somasynda qarajat kózdelgen. Mindetti áleýmettik meditsinalyq saqtandyrý týraly» Zańnyń 5-babyna sáikes otstavkadaǵy sýdialardyń MÁMS júiesinde meditsinalyq kómek alýǵa quqyǵy joq. Óitkeni zeinetkerlik zańnamaǵa sáikes sýdialardyń «zeinetaqy tólemderin alýshylar» degen mártebesi joq», - dep atap ótedi Úkimet basshysy.
Onyń atap ótinshe, «Qazaqstan Respýblikasynda zeinetaqymen qamsyzdandyrý týraly» Zańǵa sáikes ómir boiǵy ai saiynǵy qamtylym alatyn otstavkadaǵy sýdialarǵa jasyna bailanysty zeinetaqy tólemderi nemese eńbek sińirgen jyldary úshin zeinetaqy tólemderi taǵaiyndalmaidy. Otstavkadaǵy sýdialar biýdjet qarajaty esebinen ómir boiǵy ai saiynǵy qamtylym alatyn adamdar sanatyna jatady jáne zeinetaqy tólemderin alýshylar bolyp tabylmaidy. Bul rette, otstavkadaǵy sýdialarǵa ómir boiǵy ai saiynǵy qamtylym zeinetaqy tólemderine kirmeidi. Óitkeni «Sot júiesi men sýdialardyń mártebesi týraly» Konstitýtsiialyq zańmen retteledi.
«Osyǵan bailanysty, Joǵarǵy Sot joǵaryda atalǵan Zańǵa ómir boiǵy ai saiynǵy qamtylym alatyn sýdialardy memleket esebinen MÁMS-ke jarnalar tóleýden bosatylatyn adamdar sanatyna qosý bóliginde túzetý engizý jónindegi máselege bastama jasap otyr. Ala esepteýler boiynsha jylyna 18 million teńge mólsherinde qosymsha qarajat talap etiledi. Bul rette, Densaýlyq saqtaý ministrligi qazirgi ýaqytta memleket halyqtyń 15 sanatyn (balalar, zeinetkerler, múgedekter, «Altyn alqa», «Kúmis alqa» alqalarymen marapattalǵan nemese buryn «Batyr ana» ataǵyn alǵan, sondai-aq I jáne II dárejeli «Ana dańqy» ordenderimen nagradtalǵan kóp balaly analar) jarnalar tóleýden bosatatynyn atap ótedi jáne bul shamamen 10,8 mln adamdy quraidy. Bul obektivti sebepter boiynsha kirister ala almaityn nemese kiristeri joq el halqynyń jartysynan kóbi», - dedi Asqar Mamin.
Úkimet basshysynyń aitýynsha, Joǵarǵy sottyń usynysy zańnamada belgilengen tártippen múddeli memlekettik organdarmen pysyqtalýda. Osy jylǵy 10 aqpanda MÁMS júiesi boiynsha meditsinalyq qyzmet usyný máseleleri Densaýlyq saqtaý, Eńbek jáne halyqty áleýmettik qorǵaý jáne Qarjy ministrlikteriniń ókilderin shaqyra otyryp, Joǵarǵy sotta ótken jeke keńeste qaralyp, onda Densaýlyq saqtaý ministrligi Zańnyń 14-babynyń aiasynda MÁMS-ke jarnalardy tóleý tetigin usynǵa. Zańnyń 14-babynyń 4-1-tarmaǵyna sáikes «jarnalardy derbes tóleitin adam» (derbes tóleýshiler) sanaty boiynsha MÁMS-ke jarnalar tóleýdi olardyń ózderi ne olardyń paidasyna úshinshi tulǵa júzege asyrady. Basqasha aitqanda, zeinetaqy tólemderin alýshy bolyp tabylmaityn zeinetkerlik jasqa tolǵan otstavkadaǵy sýdialar úshin MÁMS-ke jarnalardy Joǵarǵy sot respýblikalyq biýdjet esebinen tólei alady.
«Densaýlyq saqtaý ministrliginiń aqparaty boiynsha 2020 jylǵa osyndai adamdar sany 620 adamdy quraidy, onyń ishinde qazirgi ýaqytta 72 adam (onyń ishinde 56 adam – biryńǵai jinaqtaý zeinetaqy qorynan zeinetaqy tólemderin alýshylar, 16 adam – respýblikalyq biýdjet qarajaty esebinen jasy boiynsha zeinetaqy tólemderin alýshylar) zeinetaqy tólemderin alýshylar retinde saqtandyrylǵan bolyp tabylady. Qalǵan adamdar úshin MÁMS-ke jarnalar tóleýge arnalǵan shyǵystardyń somasy aiyna 1,2 mln teńgeni nemese jylyna 14 mln teńgeni quraidy. Sot organdaryna kórsetilgen qarajatty bólý máselesin belgilengen tártippen Respýblikalyq biýdjet komissiiasynyń qaraýyna shyǵarý josparlanýda. Baiandalǵandardy nazarǵa ala otyryp, usynylyp otyrǵan tártip osy jylǵy 1 sáýirden bastap zeinetkerlik jasqa tolǵan otstavkadaǵy sýdialardy MÁMS júiesindegi meditsinalyq kómekke quqyqpen qamtamasyz etýge múmkindik beredi»,- dedi Premer-Ministr.
