وتستاۆكاداعى سۋديالارعا مٸندەتتٸ ەلەۋمەتتٸك مەديتسينالىق ساقتاندىرۋ جٷيەسٸندە مەديتسينالىق كٶمەك الۋعا قۇقىق بەرٸلەتٸن بولادى. بۇل جايىندا قر پرەمەر-مينيسترٸ اسقار ماميننٸڭ سەنات دەپۋتاتىنىڭ ساۋالىنا بەرگەن جاۋابىندا ايتىلعان, دەپ حابارلايدى "ۇلت اقپارات".
«قارجى مينيسترلٸگٸنٸڭ اقپاراتى بويىنشا 2020 جىلعى 1 قاڭتاردان باستاپ مٸندەتتٸ ەلەۋمەتتٸك مەديتسينالىق ساقتاندىرۋدى ەنگٸزە وتىرىپ, 2020-2022 جىلدارعا ارنالعان رەسپۋبليكالىق بيۋدجەتتە ەلەۋمەتتٸك مەديتسينالىق ساقتاندىرۋ قورىنا جارنا تٶلەۋدەن بوساتىلعان ازاماتتاردىڭ 15 ساناتى بويىنشا مەملەكەتتٸڭ جارنالارىنا, ونىڭ ٸشٸندە زەينەتكەرلەرگە جالپى سوماسى 1 154868,4 ملن تەڭگە, اتاپ ايتقاندا 2020 جىلعا – 316975,2 ملن تەڭگە, 2021 جىلعا – 390631,9 ملن تەڭگە, 2022 جىلعا – 447261,3 ملن تەڭگە سوماسىندا قاراجات كٶزدەلگەن. مٸندەتتٸ ەلەۋمەتتٸك مەديتسينالىق ساقتاندىرۋ تۋرالى» زاڭنىڭ 5-بابىنا سەيكەس وتستاۆكاداعى سۋديالاردىڭ مەمس جٷيەسٸندە مەديتسينالىق كٶمەك الۋعا قۇقىعى جوق. ٶيتكەنٸ زەينەتكەرلٸك زاڭناماعا سەيكەس سۋديالاردىڭ «زەينەتاقى تٶلەمدەرٸن الۋشىلار» دەگەن مەرتەبەسٸ جوق», - دەپ اتاپ ٶتەدٸ ٷكٸمەت باسشىسى.
ونىڭ اتاپ ٶتٸنشە, «قازاقستان رەسپۋبليكاسىندا زەينەتاقىمەن قامسىزداندىرۋ تۋرالى» زاڭعا سەيكەس ٶمٸر بويعى اي سايىنعى قامتىلىم الاتىن وتستاۆكاداعى سۋديالارعا جاسىنا بايلانىستى زەينەتاقى تٶلەمدەرٸ نەمەسە ەڭبەك سٸڭٸرگەن جىلدارى ٷشٸن زەينەتاقى تٶلەمدەرٸ تاعايىندالمايدى. وتستاۆكاداعى سۋديالار بيۋدجەت قاراجاتى ەسەبٸنەن ٶمٸر بويعى اي سايىنعى قامتىلىم الاتىن ادامدار ساناتىنا جاتادى جەنە زەينەتاقى تٶلەمدەرٸن الۋشىلار بولىپ تابىلمايدى. بۇل رەتتە, وتستاۆكاداعى سۋديالارعا ٶمٸر بويعى اي سايىنعى قامتىلىم زەينەتاقى تٶلەمدەرٸنە كٸرمەيدٸ. ٶيتكەنٸ «سوت جٷيەسٸ مەن سۋديالاردىڭ مەرتەبەسٸ تۋرالى» كونستيتۋتسييالىق زاڭمەن رەتتەلەدٸ.
«وسىعان بايلانىستى, جوعارعى سوت جوعارىدا اتالعان زاڭعا ٶمٸر بويعى اي سايىنعى قامتىلىم الاتىن سۋديالاردى مەملەكەت ەسەبٸنەن مەمس-كە جارنالار تٶلەۋدەن بوساتىلاتىن ادامدار ساناتىنا قوسۋ بٶلٸگٸندە تٷزەتۋ ەنگٸزۋ جٶنٸندەگٸ مەسەلەگە باستاما جاساپ وتىر. الا ەسەپتەۋلەر بويىنشا جىلىنا 18 ميلليون تەڭگە مٶلشەرٸندە قوسىمشا قاراجات تالاپ ەتٸلەدٸ. بۇل رەتتە, دەنساۋلىق ساقتاۋ مينيسترلٸگٸ قازٸرگٸ ۋاقىتتا مەملەكەت حالىقتىڭ 15 ساناتىن (بالالار, زەينەتكەرلەر, مٷگەدەكتەر, «التىن القا», «كٷمٸس القا» القالارىمەن ماراپاتتالعان نەمەسە بۇرىن «باتىر انا» اتاعىن العان, سونداي-اق I جەنە II دەرەجەلٸ «انا داڭقى» وردەندەرٸمەن ناگرادتالعان كٶپ بالالى انالار) جارنالار تٶلەۋدەن بوساتاتىنىن اتاپ ٶتەدٸ جەنە بۇل شامامەن 10,8 ملن ادامدى قۇرايدى. بۇل وبەكتيۆتٸ سەبەپتەر بويىنشا كٸرٸستەر الا المايتىن نەمەسە كٸرٸستەرٸ جوق ەل حالقىنىڭ جارتىسىنان كٶبٸ», - دەدٸ اسقار مامين.
ٷكٸمەت باسشىسىنىڭ ايتۋىنشا, جوعارعى سوتتىڭ ۇسىنىسى زاڭنامادا بەلگٸلەنگەن تەرتٸپپەن مٷددەلٸ مەملەكەتتٸك ورگاندارمەن پىسىقتالۋدا. وسى جىلعى 10 اقپاندا مەمس جٷيەسٸ بويىنشا مەديتسينالىق قىزمەت ۇسىنۋ مەسەلەلەرٸ دەنساۋلىق ساقتاۋ, ەڭبەك جەنە حالىقتى ەلەۋمەتتٸك قورعاۋ جەنە قارجى مينيسترلٸكتەرٸنٸڭ ٶكٸلدەرٸن شاقىرا وتىرىپ, جوعارعى سوتتا ٶتكەن جەكە كەڭەستە قارالىپ, وندا دەنساۋلىق ساقتاۋ مينيسترلٸگٸ زاڭنىڭ 14-بابىنىڭ اياسىندا مەمس-كە جارنالاردى تٶلەۋ تەتٸگٸن ۇسىنعا. زاڭنىڭ 14-بابىنىڭ 4-1-تارماعىنا سەيكەس «جارنالاردى دەربەس تٶلەيتٸن ادام» (دەربەس تٶلەۋشٸلەر) ساناتى بويىنشا مەمس-كە جارنالار تٶلەۋدٸ ولاردىڭ ٶزدەرٸ نە ولاردىڭ پايداسىنا ٷشٸنشٸ تۇلعا جٷزەگە اسىرادى. باسقاشا ايتقاندا, زەينەتاقى تٶلەمدەرٸن الۋشى بولىپ تابىلمايتىن زەينەتكەرلٸك جاسقا تولعان وتستاۆكاداعى سۋديالار ٷشٸن مەمس-كە جارنالاردى جوعارعى سوت رەسپۋبليكالىق بيۋدجەت ەسەبٸنەن تٶلەي الادى.
«دەنساۋلىق ساقتاۋ مينيسترلٸگٸنٸڭ اقپاراتى بويىنشا 2020 جىلعا وسىنداي ادامدار سانى 620 ادامدى قۇرايدى, ونىڭ ٸشٸندە قازٸرگٸ ۋاقىتتا 72 ادام (ونىڭ ٸشٸندە 56 ادام – بٸرىڭعاي جيناقتاۋ زەينەتاقى قورىنان زەينەتاقى تٶلەمدەرٸن الۋشىلار, 16 ادام – رەسپۋبليكالىق بيۋدجەت قاراجاتى ەسەبٸنەن جاسى بويىنشا زەينەتاقى تٶلەمدەرٸن الۋشىلار) زەينەتاقى تٶلەمدەرٸن الۋشىلار رەتٸندە ساقتاندىرىلعان بولىپ تابىلادى. قالعان ادامدار ٷشٸن مەمس-كە جارنالار تٶلەۋگە ارنالعان شىعىستاردىڭ سوماسى ايىنا 1,2 ملن تەڭگەنٸ نەمەسە جىلىنا 14 ملن تەڭگەنٸ قۇرايدى. سوت ورگاندارىنا كٶرسەتٸلگەن قاراجاتتى بٶلۋ مەسەلەسٸن بەلگٸلەنگەن تەرتٸپپەن رەسپۋبليكالىق بيۋدجەت كوميسسيياسىنىڭ قاراۋىنا شىعارۋ جوسپارلانۋدا. باياندالعانداردى نازارعا الا وتىرىپ, ۇسىنىلىپ وتىرعان تەرتٸپ وسى جىلعى 1 سەۋٸردەن باستاپ زەينەتكەرلٸك جاسقا تولعان وتستاۆكاداعى سۋديالاردى مەمس جٷيەسٸندەگٸ مەديتسينالىق كٶمەككە قۇقىقپەن قامتاماسىز ەتۋگە مٷمكٸندٸك بەرەدٸ»,- دەدٸ پرەمەر-مينيستر.
